ភ្នំពេញ៖ ថ្លែងនៅក្នុងសន្និសីទសារព័ត៌មាន ស្ដីពីបច្ចុប្បន្នភាពថ្មីៗ ពាក់ព័ន្ធនឹងកម្ពុជានៅថ្ងៃទី២៤ កុម្ភៈឆ្នាំ២០២០ នេះ សម្ដេចតេជោ ហ៊ុន សែន បានប្រកាសថា៖ «លើកលែងការបង់ពន្ធគ្រប់ប្រភេទ របស់សណ្ឋាគារនិងផ្ទះសំណាក់ ដែលបានចុះបញ្ជីជាមួយអគ្គនាយកដ្ឋានពន្ធដារនិងមានសកម្មភាពអាជីវកម្មក្នុងខេត្តសៀមរាបរយៈពេល៤ខែ ដោយចាប់ពីខែកុម្ភៈដលខែឧសភា ឆ្នាំ២០២០»។ ការលើកលែងពន្ធនេះមានន័យថា រដ្ឋជាអ្នកទទួលបង់ពន្ធជំនួស។
ខណៈដែលស្ថានភាពភ្ញៀវទេសចរណ៍ មានទិន្នាការធ្លាក់ចុះ និងការផ្ទុះឡើងនៃជំងឺ Covid19 នៅក្រោប្រទេស ប្រមុខរាជរដ្ឋាភិបាលបានដាក់ចេញនូវវិធានការជាច្រើនដើម្បីជួយជម្រុញវិស័យនេះឡើងវិញ។
ទោះជាមានការលើកលែងពន្ធនេះក៏ដោយ អាជីវកម្មសណ្ឋាគារ និងផ្ទះសំណាក់ នៅតែមានកាតព្វកិច្ចប្រកាសពន្ធអាករ(តែទទួលបានការលើកលែងពន្ធ)និងប្រើប្រាស់ប្រព័ន្ធអនឡាញគ្រប់គ្រងអាជីវករ លើតម្លៃបន្ថែមជារៀងរាល់ខែក្នុងរយៈពេលលើកលែងពន្ធនេះ។
សូមជម្រាបថាតាមការលើកឡើងរបស់សម្ដេច ហ៊ុន សែន បានបង្ហាញថា ភ្ញៀវទេសចរបរទេសធ្លាក់ចុះជាង៦០ភាគរយជាពិសេសជនជាតិចិនបានធ្លាក់ចុះជាង៩០ភាគរយក្នុងនោះខេត្តសៀមរាបរងផលប៉ះពាល់ខ្លាំងជាងគេ៕
