ចច ប៊ូស (ស្ដាំ)
(វ៉ាស៊ីនតោន)៖ លោក ចច ប៊ូស Goerge Bush បានទទួលមរណភាពនៅថ្ងៃទី៣០ខែវិច្ឆិកា ឆ្នាំ២០១៨ នៅអាយរុ ៩៤ឆ្នាំ ក្នុងទីក្រុង ខែនណឺបាំងផត (Kennebunkport)រដ្ឋមែណេ (Maine) ភាគខាងកើតសហរដ្ឋអាមេរិក។នេះបើតាមសេចក្តីប្រកាស ពីការិយាល័យរបស់លោក ចច ប៊ូស ។
លោក ចច ប៊ូស ដែលមានឈ្មោះពេញថា GeorgeHerbert Walker Bush គឺជាប្រធានាធិបតីទី ៤១ របស់សហរដ្ឋអាមេរិកដែលបានកាន់អំណាចពីឆ្នាំ១៩៨៩ ដល់ឆ្នាំ១៩៩៣។ លោក ត្រូវជាឪពុករបស់អតីតប្រធានាធិបតីគឺលោក ចច ដាប់ប៊ែលយូ ប៊ូស (George W. Bush) ។
លោក ចច ប៊ូស ត្រូវបានគេគោរពចំពោះការចូលរួមយ៉ាងច្រើននៃការដួលរលំជញ្ជាំងក្រុង ប៊ែកឡាំង និងការដួររំរបស់សហភាពសូវៀតនៅអ៊ឺរ៉ុបខាងកើត ដែលធ្វើឲ្យសហរដ្ឋអាមេរិកក្លាយជា ប្រទេសដែលមានអំណាចលើពិភពលោក។
ការទទួលមរណភាព របស់លោក ចច ប៊ូស គឺបានកើតមានឡើងតែរយៈពេលជាង៥ខែប៉ុណ្ណោះ បន្ទាប់ពីភរិយារបស់លោក គឺលោកស្រី បាបារ៉ា ប៊ូស (BabaraBush) បានទទួលមរណភាព កាលពីខែមេសា ឆ្នាំ២០១៨៕
