វៀតណាម៖ ក្រុមហ៊ុន Bamboo Airways បានទទួលការអនុញ្ញាតពីនាយកដ្ឋានដឹកជញ្ជូនសហរដ្ឋអាមេរិកដើម្បីដឹកអ្នកដំណើរនិងទំនិញទៅប្រទេសនោះ។

ទីភ្នាក់ងារសារព័ត៌មានវៀតណាមបានរាយការណ៍ថា វាត្រូវបានអនុញ្ញាតិអោយប្រើប្រាស់យន្តហោះប៊ូអ៊ីងសេរ៊ី ៧៨៧-៩ Dreamliner ដែលហោះហើរដោយផ្ទាល់ ពីទីក្រុងហាណូយ និងទីក្រុងហូជីមិញ ទៅកាន់កន្លែងដូចជាទីក្រុង Los Angeles និងសាន់ហ្វ្រាន់ស៊ីស្កូ។

ក្រុមហ៊ុនអាកាសចរណ៍ Bamboo Airways ជាក្រុមហ៊ុនអាកាសចរណ៍ទី ២ ដែលទទួលបានការអនុញ្ញាតបន្ទាប់ពីក្រុមហ៊ុនអាកាសចរណ៍វៀតណាម។

គ្រោងនឹងចាប់ផ្តើមសេវាកម្មដោយផ្ទាល់ ទៅកាន់សហរដ្ឋអាមេរិកនៅចុងឆ្នាំ ២០២១ ឬដើមឆ្នាំ ២០២២ ហើយនឹងស្វែងរកអាជ្ញាប័ណ្ណពីរដ្ឋបាលអាកាសចរណ៍សហព័ន្ធ (FAA) រដ្ឋបាលសន្តិសុខដឹកជញ្ជូននិងទីភ្នាក់ងារពាក់ព័ន្ធដទៃទៀតនៅសហរដ្ឋអាមេរិក។ ការហោះហើរត្រង់នេះ នឹងធ្វើឱ្យពេលវេលាធ្វើដំណើរធ្លាក់ចុះមកត្រឹម ១៤-១៦ ម៉ោង។

ជនជាតិអាមេរិក ស្ថិតក្នុងចំណោមភ្ញៀវទេសចរបរទេសច្រើនបំផុត ដែលមកប្រទេសវៀតណាម ដោយមានចំនួនអ្នកទេសចរ ៦៨៧.២២៦ នាក់កាលពីឆ្នាំមុន ខណៈដែលជនជាតិវៀតណាមជាង ២,១ លាននាក់នៅសហរដ្ឋអាមេរិកត្រូវបានគេរំពឹងថា នឹងក្លាយជាប្រភពតំរូវការធ្វើដំណើរចុះឡើង៕ VNExpress