តាមការចុះផ្សាយរបស់ទស្សនាវដ្តីអន្តរជាតិមួយដែលបង្ហាញពីកំពូលស្ត្រី ដែលជំនះឧបសគ្គនិងធ្វើអោយមានការផ្លាស់ប្តូរក្នុងឧស្សាហកម្ម តាមបណ្ដាប្រទេសនានាក្នុងពិភពលោកនិងក្រុមហ៊ុនជាច្រើន ទស្សនាវដ្តីមួយនេះ បានចេញបញ្ជីកំពូលស្ត្រីដែលមានឥទ្ធិពលបំផុតនៅលើពិភពលោក។ខាងក្រោមនេះជា កំពូលស្ដី្របីនាក់ដែលស្ថិតក្នុងលេខរៀងទី ១០ ទី១១ និង ទី១២ ។
ចំណាត់ថ្នាក់ទី ១២លោកស្រី Isabel Dos Santos
បច្ចុប្បន្ន មានអាយុ៤២ឆ្នាំ នាង Isabel dos Santos ជាកំពូលស្រ្ដីម្នាក់ដែលស្ថិតក្នុងចំណាត់ថ្នាក់ទី១២ក្នុងពិភពលោក។ នាងមិនត្រឹមតែជាកូនស្រីរបស់ប្រធានាធិបតីអង់ហ្គោឡាទេ នាងជាស្រ្ដីដំបូងគេបង្អស់ ដែលបានក្លាយជា មហាសេដ្ឋីស្រីរបស់ទ្វីបអាហ្រ្វិក ដែលមានទឹកប្រាក់សរុប ៣,៤ ពាន់លានដុល្លារ ខណៈដែលប្រជាជនអង់ហ្គោឡាជាមធ្យមរស់នៅត្រឹមតែ ២ដុល្លារក្នុងមួយថ្ងៃ។
ដើមចមនៃទ្រព្យសម្បត្ដិរបស់នាង គឺបានមកពីការវិនិយោគនៅក្នុងក្រុមហ៊ុនអង់ហ្គោឡា និងព័រទុយហ្គាល់ដូចជាក្រុមហ៊ុន Unitel ដែលជាក្រុមហ៊ុនទូរគមនាគមន៍ធំជាងគេបំផុតរបស់ប្រទេសអង់ហ្គោឡា និងក្រុមហ៊ុន Banco BPI របស់ព័រទុយហ្គាល់ ។
កាលពីខែមិថុនា នាងបានទិញភាគហ៊ុន ៦៥% នៅក្នុងក្រុមហ៊ុនផលិតសមាសថាមពលព័រទុយហ្គាល់ EfacecPower Solutions ថ្លៃជាង ២០០ លានដុល្លារ ៕
ចំណាត់ថ្នាក់ទី១១ គឺ លោកស្រី Meg Whitman
ស្ថិតក្នុងចំណាត់ថ្នាក់ទី១១ លោកស្រី Meg Whitman មានអាយុ ៥៩ ឆ្នាំ ជានាយកប្រតិបត្តិសហគ្រាស Hewlett Packard និងជាអគ្គនាយ HP Inc, សហរដ្ឋអាមេរិក។
ប្រវតិ្តការងារខ្លះៗរបស់លោកស្រី Whiteman
បន្ទាប់ពីឡើងកាន់តំណែងក្នុងក្រុមហ៊ុន IT Hewlett Packard ក្នុងឆ្នាំ ២០១១ ចំពេលដែលមានរឿងអាស្រូវផ្ទៃក្នុងរបស់ក្រុមហ៊ុន លោកស្រីMeg Whitman បានធ្វើកំណែទម្រង់ក្រុមហ៊ុន និងបានស្តារប្រាក់ចំណូលក្រុមហ៊ុនឡើងវិញបន្ទាប់ពីមានការខាតបង់យ៉ាងធ្ងន់ធ្ងរ។
លោកស្រី បានលុបចោលការទិញភាគហ៊ុនដែលគ្មានប្រយោជន៍ហើយបានអនុវត្ត ការបញ្ឈប់ការងាររាប់ពាន់កន្លែង។ នៅទីបំផុត លោកស្រីបានបំបែកក្រុមហ៊ុនHP ទៅជាក្រុមហ៊ុនពីរដាច់ដោយឡែកពីគ្នា ក្នុងបញ្ជីក្រុមហ៊ុនFortune 500 ដែលការផ្លាស់ប្តូរនេះ បានចូលជាធរមាននៅថ្ងៃទី១ ខែវិច្ឆិកា។
លោកស្រីWhitman បានបម្រើការជានាយកប្រតិបត្តិក្រុមហ៊ុនថ្មីគឺសហគ្រាស Hewlett Packard ដែលផ្តោតសំខាន់លើសេវាកម្មកម្មវិធីនិងបច្ចេកវិទ្យា និងជាប្រធានក្រុមហ៊ុន HP Inc ដែលផ្តោតនៅលើកុំព្យូទ័រនិងម៉ាស៊ីនបោះពុម្ព។
កាលពីមុន លោកស្រី ជានាយកប្រតិបត្តិក្រុមហ៊ុន eBay ដែលមានទ្រព្យសម្បត្តិផ្ទាល់ខ្លួន ២,១ពាន់លានដុល្លារអាមេរិក។ នៅពេលដែលលោកស្រី បានចូលកាន់តំណែងនេះនៅឯរបស់ eBay,ក្រុមហ៊ុននេះមានបុគ្គលិកតែ ៣០ប៉ុណ្ណោះ និងមានប្រាក់ចំណូល ៤លានដុល្លារប៉ុន្តែ១០ ឆ្នាំក្រោយមក ពេលដែលលោកស្រីចាកចេញ ក្រុមហ៊ុន eBay បានបង្កើតប្រាក់ចំណូលប្រចាំឆ្នាំ ចំនួន ៨ពាន់លានដុល្លារ ហើយមានបុគ្គលិកជាង១៥ ០០០ នាក់។
ក្នុងវិស័យនយោបាយវិញ លោកស្រី Whitman បានទទួលការបរាជ័យក្នុងការបោះឆ្នោតជាអភិបាលរដ្ឋ California និងជាអ្នកដែលល្បីល្បាញក្នុងការចំណាយលុយផ្ទាល់ខ្លួនទៅលើយុទ្ធនាការនេះយ៉ាងហោចណាស់១១៩លានដុល្លារ ច្រើនជាងអ្នកនយោបាយផ្សេងទៀតនៅក្នុងប្រវត្តិសាស្រ្ត។
ចំណាត់ថ្នាក់ទី១០ គឺលោកស្រី Hillary Clinton
លោកស្រី Hillary Clinton មានអាយុ ៦៨ឆ្នាំ អតីតរដ្ឋមន្រ្ដីការបរទេសអាមេរិក និងជាបេក្ខជនប្រធានាធិបតីឆ្នាំ ២០១៦
លោកស្រី ហ៊ីលឡារីគ្លីនតុន បានចូលក្នុងវិស័យនយោបាយកាន់តែខ្លាំងចាប់តាំងពីអាជីពរបស់លោកស្រី ជាស្ត្រីទីមួយរបស់សហរដ្ឋអាមេរិក ហើយលោកស្រីនឹងអាចត្រឡប់មកសេតវិមានវិញប្រសិនបើលោកស្រីបានឈ្នះការបោះឆ្នោតប្រធានាធិបតីឆ្នាំ ២០១៦ ។ ទោះបីជាមាន រឿងអាស្រូវ"emailgate" ដែលបានបង្ហាញឱ្យដឹងថា អ្នកស្រីបានប្រើគណនីអ៊ីមែលផ្ទាល់ខ្លួនជំនួសឱ្យអ៊ីម៉ែលរបស់រដ្ឋាភិបាលខណៈពេលដែលលោកស្រីបានបម្រើការងារ ជារដ្ឋមន្រ្ដីការបរទេសបង្ហាញថា សូម្បីតែកំហុសឆ្គងរបស់លោកស្រី ដែលជាអ្នកមានបទពិសោធនិងប្រជាប្រិយភាពខ្លាំងនៅតែអាចអោយលោកស្រីឈរជើងបានក្នុងការិយាល័យនេះ។
លោកស្រី គ្លីនតុនគឺជាសមាជិកព្រឹទ្ធសភាស្រ្តីដំបូងនៅក្នុងទីក្រុងញូយ៉កនិងជាស្ត្រីដំបូងនិងតែម្នាក់គត់ ដែលឈរឈ្មោះសម្រាប់ដំណែងប្រធានាធិបតីដោយខ្លួនឯង។លើសពីនេះទៀត ការគាំទ្រជាច្រើនពីសហជីពសាលារៀន លោកស្រីគ្លីនតុនទើបតែបានទទួលបានការគាំទ្រពីSEIU (សហជីពពលកម្ម) ដែលមានសមាជិកពីរលាននាក់រីឯបញ្ជីអ្នកគាំទ្ររបស់លោកស្រីនៅតែបន្តកើនឡើង ហើយឱកាសនៃការបោះឆ្នោតរបស់លោកស្រីក៏បានប្រសើរឡើងក៏ដូចជាការបង្ហាញឥទ្ធិពលនយោបាយរបស់លោកស្រីក្នុងសហរដ្ឋអាមេរិកផងដែរ៕
