អ្នកប្រាកដជាធ្លាប់បានឮខ្លះពីពាក្យថា "លុយមិនសុទ្ធតែអាចទិញអ្វីបានគ្រប់យ៉ាងនោះឡើយ" ដែលខ្លះគេសម្តៅទៅលើសុភមង្គលផងដែរ។ យ៉ាងណាមិញ ប្រធានបទនេះនៅតែស្ថិតក្នុងការពិភក្សាវែកញ៉ែកជាលក្ខណៈសាកលនៅឡើយ។ តាមរយៈការសិក្សាដែលបានធ្វើឡើងអស់ជាច្រើនឆ្នាំនៅសហរដ្ឋអាមេរិក ក៏បានបង្ហាញនូវទិដ្ឋភាពមួយចំនួនដូចខាងក្រោម។
ការសិក្សាមួយធ្វើដោយសាកលវិទ្យាល័យ Pennsylvania សហរដ្ឋអាមេរិកបានឱ្យដឹងថា សុភមង្គល ឬភាពរីករាយក្នុងផ្លូវចិត្តមនុស្សបានកើនឡើងទៅតាមចំណូលដែលពួកគេបានបង្កើតជាឧទាហរណ៍ក្នុងមួយឆ្នាំ គេអាចរកចំណូលបាន៧៥,០០០ដុល្លារ។ ចំណុចនេះគេបានលើកឡើងថាចំណូលនឹងអាចធ្វើឱ្យបុគ្គលទាំងនោះឯករាជ្យឬស្វ័យភាពក្នុងការរើសយកជម្រើសនៃជីវិតរស់នៅដែលជាអត្ថន័យរបស់ពួកគេ។
លោកសាស្រ្តាចារ្យ Matthew Killingsworth ដែលជាអ្នកដឹកនាំការស្រាវជ្រាវនៃសាកលវិទ្យាល័យខាងលើអំពីសុភមង្គលរបស់មនុស្សនោះ បានឱ្យដឹងថាអ្នកស្រាវជ្រាវបានស្ទង់ទៅលើអារម្មណ៍របស់មនុស្សតាមរយៈការថ្លឹងថ្លែងអារម្មណ៍របស់ពួកគេពីមួយថ្ងៃទៅមួយថ្ងៃ និងភាពពេញចិត្តរបស់ពួកគេ។
ការសិក្សាបានធ្វើឡើងទៅលើបុគ្គលិកការងារប្រមាណ ៣៣,៣៩១នាក់ (អាយុពី១៨ ដល់៦៥ឆ្នាំ) ដោយប្រើការវាស់ស្ទង់ទៅលើApp ដែលតម្រូវឱ្យអ្នកប្រើបង្ហាញអារម្មណ៍ពិតរបស់ខ្លួននូវអ្វីដែលបានពេញចិត្តក្នុងរយៈពេលពេញមួយថ្ងៃ។ រយៈពេល៧ឆ្នាំដែលទិន្នន័យទាំងនេះបានប្រមូលគ្រប់តាមទិសដៅស្រាវជ្រាវដែលជាចុងក្រោយអ្នកស្រាវជ្រាវអាចសន្និដ្ឋានថា សុខមាលភាពផ្លូវចិត្តមនុស្សក៏បានប្រសើរឡើងនៅពេលចំណូលពួកគេកើន ឬមួយកិច្ចការងារពួកគេរីកចម្រើនដែលជាឱកាសឱ្យពួកគេឈានទៅរកអត្ថន័យជីវិតដែលពួកគេម្នាក់ៗកំណត់ចង់បានក្នុងទម្រង់ផ្សេងៗពីគ្នា។
យ៉ាងណាមិញលទ្ធផលស្រាវជ្រាវខាងលើនេះ ក៏នៅតែស្ថិតក្នុងការជជែកពីលទ្ធផលស្រាវជ្រាវផ្សេងៗទៀតដែលបង្ហាញថា ក្រៅពីចំណូលលុយកើនឡើងកត្តាផ្សេងៗក៏នៅតែអាចរួមចំណែកក្នុងសុខាមាលភាពផ្លូវចិត្តមនុស្សឱ្យបានប្រសើរផងដែរជាក់ស្តែងលទ្ធផលស្រាវជ្រាវបង្ហាញថា ទំនាក់ទំនងក្នុងសង្គមឬបរិយាកាស ឬអ្នកនៅជុំវិញខ្លួនក៏ជាកត្តាសំខាន់ក៏ជួយឱ្យសុភមង្គលផ្លូវចិត្តរឹងមាំ កើនឡើងប្រសើរផងដែរដែលក្នុងន័យនេះគឺសម្តៅចំណូលទឹកលុយតែមួយមុខក៏មិនអាចធ្វើឱ្យសុខភាពផ្លូវចិត្តប្រសើរទេក៏មានកត្តាផ្សេងៗទៀតដែលមានឥទ្ធិពលជួយសុភមង្គលផ្លូវចិត្តឱ្យបានល្អរីករាយផងដែរ៕
ប្រភព៖ CNBC
CNBC
