យោងតាម សេចក្តីប្រកាសព័ត៌មាន របស់ក្រសួងរៀបចំដែនដី ក្រោយពីកិច្ចប្រជុំជាមួយក្រុមហ៊ុន វិនិយោគខេមបូឌា អ៊ែរផត អ៊ិនវេសមិន ខូអិលធីឌី ឯ.កអាជ្ញាធរខេត្តកណ្តាល និងខេត្តតាកែវ និងក្រុមការងារពាក់ព័ន្ធ កាលពីព្រឹកថ្ងៃទី២៨ កុម្ភៈនេះ បានចេញនូវលទ្ធផលនៃកិច្ចប្រជុំ ៩ចំនុច។
ព្រលានយន្តហោះអន្តរជាតិភ្នំពេញថ្មីខ្នាត 4F គឺស្ថិតក្នុងខេត្តកណ្តាល និងខេត្តតាកែវ ដែលអាចស្ថិតក្នុងរង្វង់ផ្លូវក្រវាត់ក្រុងទី ៣នាពេលអនាគត តាមផ្នែកខាងលិចផ្លូវជាតិលេខ ២១ជាតំបន់វាលបឹងកំប្លោកដ៏ធំ (ហៅបឹងរៀន) ។ ក្នុងនោះផងដែរព្រលានយន្តហោះនេះ ស្ថិតនៅលើផ្ទៃដី២៦០០ហិកតា និងជាព្រលានយន្តហោះលំដាប់4F ដែលអាចចុះចតយន្តហោះខ្នាតធំបាន។
លទ្ធផលប្រជុំក៏បាន ប្រគល់ភារកិច្ចឲ្យក្រុមការងារចាប់ផ្ដើមចុះ កំណត់និយាមការ បោះបង្គោលព្រំ កំណត់តំបន់លំនៅស្ថាន ជាដើម ព្រមទាំងរៀបចំលម្អិតប្លង់និងហេដ្ឋារចនាសម្ព័ន្ធ ៕
តាមគម្រោងព្រលានយន្តហោះនេះគ្រោងនឹងវិនិយោគទឹកប្រាក់ ១៥០០ លានដុល្លារ ដោយសហការវិនិយោគជាមួយក្រុមហ៊ុន OCIC និងក្រុមហ៊ុន Cambodia Airport Investment Co., Ltd.៕
