សូមចូល Telegram ក្រមាប៉ុស្ដិ៍ ទទួលបានអត្ថបទឆាប់រហ័ស
ការរស់នៅក្នុងស្ថានភាពមិនច្បាស់លាស់ជារឿងលំបាកមួយ ព្រោះថាយើងពិតត្រូវការព័ត៌មាន ជាក់ច្បាស់ខ្លះអំពីអនាគតដើម្បីរៀបចំជីវិតយើង។ ទោះយ៉ាងណា វេលាលំបាកយ៉ាងនេះក៏ដោយពិសេសស្ថានភាពជំងឺរាតត្បាតជាសកល(កូវីដ-១៩)នេះ ក៏យើងអាចរៀនរស់នៅសម្របខ្លួនជាមួយភាពមិនច្បាស់លាស់នេះបានខ្លះ ទៅតាមគំនិតពិចារណាខ្លះដូចខាងក្រោម៖
១.ទទួលការពិត
មានន័យថាយើងមិនបានរឹងទទឹងទៅនឹងការពិតដែលជាពេលវេលាលំបាកនេះ។ ទទួលស្គាល់ថារឿងលំបាកៗកំពុងកើតមានមែនដូចនេះយើងអាចដឹងកន្លែង ឬពេលវេលាបច្ចុប្បន្នដែលយើងកំពុងនៅនិងអាចការពារខ្លួនបានប្រសើរពីជំងឺរាតត្បាត។ ការទទួលស្គាល់ការពិតជារឿងពិបាក ប៉ុន្តែអ្នកសាកគិតមើលតាមពិតវាជាវិធីមានប្រសិទ្ធិភាពដែលនាំយើងឆ្ពោះទៅមុខបន្តិចម្តងៗទេតើ។
២.វិនិយោគលើខ្លួនឯង
ធនធានដែលអ្នកមាននៅពេលនេះហើយដែលបានរួមចំណែកក្នុងពិភពលោករស់នៅមួយនេះគឺរូបអ្នក។ ដូចនេះគប្បី ថែរក្សាខ្លួនអ្នកដោយមានការញ៉ាំ សម្រាកបានគ្រប់គ្រាន់និងមានពេលវេលាជាការកម្សាន្ត និងការរៀនសូត្រខ្លះហើយការមើលថែរក្សាខ្លួនអ្នកបានល្អគឺមានន័យថាអ្នកនឹងមានឱកាសទៅជួយពិភពលោកដែលជាទីកន្លែងរស់នៅរបស់អ្នកឡើងវិញ។
៣.ចេះលៃរកវិធីដែលល្អសម្រាប់អ្នក និងសុខភាពអ្នក
នៅពេលមានអារម្មណ៍ស្មុគស្មាញស្រ្តេស អ្នកក៏គួរសម្រាលភាពតានតឹងនោះដោយខ្លួនអ្នកបានខ្លះដោយការលៃវិធីណាដែលល្អដល់អ្នក និងសុខភាពមានដូចជាទៅកន្លែងណាមួយមានខ្យល់អាកាសល្អ និងសុវត្ថិភាពសម្រាប់ដកដង្ហើមខលនិយាយជាមួយមិត្តជិតស្និទ្ធិរំលឹករឿងល្អៗដែលអ្នកបានធ្វើ ឬការទៅសម្រាកឱ្យអារម្មណ៍បានប្រសើរឬមួយការទៅមើលវីដេអូកំប្លែងមួយក៏បានដែលនាំឱ្យយើងខ្លួនឯងចៀសពីសកម្មភាពមិនល្អមួយចំនួនសម្រាប់បន្ថយភាពតានតឹងដូចជាការជក់បារីញ៉ាំស្រាជាដើម។ល។
៤.យកចិត្តទុកដាក់ក្នុងពេលបច្ចុប្បន្ន
ផ្ទុយទៅនឹងភាពមិនច្បាស់លាស់គឺបច្ចុប្បន្ន ដែលសម្តៅលើការជំនួសភាពភ័យខ្លាច ឬអនាគតមិនទាន់មកដល់យើងអាចនាំអារម្មណ៍យកចិត្តទុកដាក់ទៅលើអ្វីដែលយើងកំពុងធ្វើ។ ជាឧទាហរណ៍ថ្ងៃនេះ ពេលនេះអ្នកកំពុងធ្វើសមាធិឬកំពុងធ្វើម្ហូបញ៉ាំ...អ្នកក៏អាចសួរសំណួរមួយទៅកាន់ខ្លួនឯងតើអ្នកបានសុខសប្បាយកាយចិត្តទេនៅពេលនេះ? យកចិត្តទុកដាក់លើអ្វីកំពុងមានពេលនេះបញ្ចៀសអ្នកឱ្យចេញពីការគិតអវិជ្ជមាន ហើយបង្កឱ្យអ្នកធ្វើរឿងកើតជាប្រយោជន៍ទៅវិញអាស្រ័យទៅលើការតម្កល់ចិត្តសមាធិលើសកម្មភាពអ្នកកំពុងធ្វើនេះ។
៥.រៀនធ្វើអ្វីៗដោយខ្លួនអ្នកផ្ទាល់
ជំនួយពីអ្នកដែលជួយដល់យើងពិតណាស់ជារឿងល្អមួយនៅពេលយើងត្រូវការជំនួយក្នុងវេលាលំបាក។ យ៉ាងណាមិញ ពេលវេលាខ្លះការងារខ្លះ ដែលអ្នកគិតថាអ្នករឹងមាំ ក៏គួរហាត់ធ្វើអនុវត្តដោយខ្លួនឯងព្រោះថាការងារខ្លះដែលអ្នករៀនអនុវត្តធ្វើជាប្រចាំថ្ងៃដោយខ្លួនអ្នក និងជួយអ្នកនៅថ្ងៃខាងមុខជាភាពរឹងមាំ ឯករាជ្យមួយនៅពេលអ្នកពុំមានជំនួយនៅក្បែរ។
៦.រកអត្ថន័យនៃកិច្ចការដែលអ្នកធ្វើ
តាមលទ្ធផលស្រាវជ្រាវជាច្រើនបង្ហាញថានៅពេលអ្វីមួយមានបញ្ហាត្រូវការដំណោះស្រាយមនុស្ស នឹងសម្គាល់មើលហើយស្វែងរកគំនិតទៅស្រាយបញ្ហានោះឱ្យបានប្រសើរហើយអារម្មណ៍ពួកគេក៏បានល្អផងដែរដោយសារការរួមចំណែកជាប្រយោជន៍នោះ។ ចំណុចនេះ មានន័យថា ចំណុចខ្លះជាជំនាញ ជាបទពិសោធអ្នកអាចប្រើវាដើម្បីចូលរួមក្នុងការងារដោះស្រាយបញ្ហាក្នុងទិសដៅមួយជាប្រយោជន៍ដល់សហគមន៍អ្នក ហើយវាជាតម្លៃមួយរបស់អ្នកផងដែរហើយដែលតម្លៃនោះផ្ទាល់នឹងពុំបាត់បង់ឡើយ៕
