គណៈ​កម្មាធិការ​វិនិយោគ​កម្ពុជា នៃ​ក្រុមប្រឹក្សាអភិវឌ្ឍន៍​កម្ពុជា(CDC) បាន​សម្រេច​ឯកភាព ​ឱ្យមាន​ការ​វិនិយោគ​របស់​ក្រុមហ៊ុន​ចំនួន​៨ ដែលក្នុងនោះ មានគម្រោងចំនួន ៣បានបោះទុនវិនិយោគនៅខេត្តព្រះសីហនុ ដែលអាចបង្កើតការងារបានជាង៣០០០កន្លែង រួមមាន​ដូចជា៖

១-ក្រុមហ៊ុន “QIN YUE GARDEN HOTEL CO.,LTD.” គម្រោងសាងសង់និងអាជីវកម្មសណ្ឋាគារថ្នាក់ផ្កាយ៥ ចំនួន៣៥០បន្ទប់ដែលមានទីតាំងវិនិយោគស្ថិតនៅភូមិអុង សង្កាត់រាម ខណ្ឌព្រៃនប់ ក្រុងព្រះសីហនុខេត្តព្រះសីហនុ មានទុនវិនិយោគប្រមាណ ២៧,៦២លានដុល្លារអាមេរិកនិងអាចបង្កើតការងារបាន ២៨៩កន្លែង។

២- ក្រុមហ៊ុន “PRINCEHUAN YU REAL ESTATE” គម្រោងសាងសង់-អាជីវកម្មសណ្ឋាគារថ្នាក់ផ្កាយ៥ចំនួន ២.១០៣បន្ទប់ និងមជ្ឈមណ្ឌលពាណិជ្ជកម្ម ដែលមានទីតាំងវិនិយោគស្ថិតនៅភូមិ៤សង្កាត់លេខ៤ ខណ្ឌមិត្តភាព ក្រុងព្រះសីហនុ ខេត្តព្រះសីហនុ មានទុនវិនិយោគចំនួន៣០០លានដុល្លារអាមេរិក និងអាចបង្កើតការងារបាន ២.៦៨១កន្លែង។

៣-ក្រុមហ៊ុន “XIN HAO HUI ENTERTAINMENT CO.,LTD.” គម្រោងសាងសង់និងអាជីវកម្មសណ្ឋាគារថ្នាក់ផ្កាយ៥ និងរីសត ស្ថិតនៅភូមិ១ សង្កាត់លេខ៣ក្រុងព្រះសីហនុ ខេត្តព្រះសីហនុ មានទុនវិនិយោគចំនួន ១១លានដុល្លារអាមេរិកនិងអាចបង្កើតការងារបាន ២៦១កន្លែង ៕