ភ្នំពេញ៖កាលពីព្រឹកថ្ងៃទី១៤ខែមករា ឆ្នាំ២០១៩ ក្រុមហ៊ុន រ៉ូយ៉ាល់ ហ្វៀល ឌីវេឡុបម៉ិន ដែលជាក្រុមហ៊ុនបុត្រសម្ព័ន្ធ របស់ ក្រុមហ៊ុន ជីប ម៉ុង បានបញ្ចុះបឋមសិលាបុកគ្រឹះ សាងសង់អគារពាណិជ្ជកម្មចម្រុះអន្តរជាតិកំពស់៤៥ជាន់ ដែលមានទុនវិនិយោគប្រមាណ ១៥០លានដុល្លារអាមេរិក ។
អគារពាណិជ្ជកម្មចម្រុះអន្តរជាតិនេះ មានអគារការិយាល័យទំនើប រោងភាពយន្តខ្នាតធំ ស្កាយបារ និងជាពិសេសផ្សារទំនើបកម្ពស់៥ជាន់ រួមជាមួយនឹងទីតាំង ចតយានជំនិះធំទូលាយផងដែរ។
សូមបញ្ជាក់ថាគម្រោងអគារពាណិជ្ជកម្មនេះ មានទីតាំងស្ថិតតាមបណ្តោយផ្លូវ មហាវិថីសហព័ន្ធរុស្សីជិតស្ពានអាកាស ៥ មករា ដែលគ្រោងនឹងបើកដំណើរការក្នុងឆ្នាំ២០២២៕
