រតនគិរី៖ នៅរសៀលថ្ងៃទី១០ ខែសីហា ឆ្នាំ២០១៩នេះ នៅតាម កំណាត់ផ្លូវជាតិលេខ ៧៦ ចន្លោះគីឡូម៉ែត្រពី Pk271+200 ទៅ Pk271+850 ត្រូវផ្អាកចរាចរណ៦ជាបណ្តោះអសន្នសិន ដោយសារតែ រងគ្រោះដោយទឹកហូរកាត់ផ្លូវ ដែលមានប្រវែង៦៥០ម លេីសពីថ្ងៃទី ៩ ខែសីហា ឆ្នាំ២០១៩ ប្រវែង 50ម។
ចំណែកកំពស់ទឹកហូរ 0.95ម៉ែត្រ លើសពីម្សិលមិញ 0.15ម៉ែត្រ។ អាស្រ័យដូចបានជម្រាបជូនខាងលេីនេះសូមបងប្អូនប្រជាពលរដ្ឋមេត្តាជ្រាបជាព័ត៌មាន និងយោគយល់អធ្យាស្រ័យ។
គួរបញ្ជាក់ផងដែរថា នៅប៉ុន្មានថ្ងៃខេត្តមួយចំនួនក្នុងប្រទេស កម្ពុជាបានទទួលរងនៅភ្លៀងធ្លាក់យ៉ាងច្រើនលើសលប់ ដែលបានបង្កអោយក្លាយទៅជាជំនន់ទឹកភ្លៀងនៅតាមតំបន់ មួយចំនួន នឹងបង្កអោយប៉ះពាល់ដល់ជីវភាពរស់នៅ ក៏ដូចជា ការធ្វើដំណើររបស់ប្រជាជនជាច្រើន៕
