សូមចូល Telegram ក្រមាប៉ុស្ដិ៍ ទទួលបានអត្ថបទខ្លីរហ័ស
រាជធានីភ្នំពេញ៖ ក្នុងថ្ងៃទី២៩ មេសានេះ CDC(នាយកដ្ឋានប្រយុទ្ធនឹងជំងឹឆ្លង) បានប្រកាសពីករណីវិជ្ជមានកូវីដ១៩ ចំនួន ៨៨០នាក់បន្ថែមទៀត និងមានអ្នកជាសះស្បើយ ២៨៨នាក់ទៀត។ ការឆ្លងនេះ ជាតួលេខខ្ពស់បំផុតប្រចាំថ្ងៃ ដែលមិនធ្លាប់មានកត់ត្រានៅកម្ពុជា។
ក្នុង៨៨០នាក់ថ្មីដែលឆ្លងមាននៅ
- ភ្នំពេញ: ៥១៨
- ខេត្តព្រះសីហនុ: ១៨៧
- ខេត្តកណ្តាល: ៧៣
- ខេត្តកំពង់ចាម: ៣៩
- ខេត្តបន្ទាយមានជ័យ : ៣៦
- ខេត្តកំពង់ស្ពឺ : ៩
- ខេត្តតាកែវ: ៥
- ខេត្តកំពង់ធំ: ៤
- ខេត្តកំពង់ឆ្នាំង : ៣
- ខេត្តព្រៃវែង : ២ ខេត្តពោធិសាត់ : ១ ខេត្តកោះកុង: ១ ខេត្តសៀមរាប : ១ ខេត្តត្បូងឃ្មុំ : ១ ។
គិតត្រឹមថ្ងៃទី២៩មេសានេះ ចំនួនអ្នកដែលកំពុងសម្រាកព្យាបាលមានសរុប ៨១១៩នាក់ ក្នុងនោះមាន ៤៦៧១នាក់ដែលកំពុងរងចាំបញ្ជូនទៅកន្លែងសម្រាក។
សូមជម្រាបជូនដែរថា ទិន្នន័យការចាក់វ៉ាក់សាំងកូវីដទូទាំងប្រទេស គិតត្រឹមយប់ថ្ងៃទី២៧ ខែមេសា ឆ្នាំ២០២១ សរុបចាក់បានចំនួន៖ ១,២៩៨,៨៥១នាក់ ក្នុងនោះមាន ក្រសួងសុខាភិបាលចាក់បាន ១,០០៤,៣០៨នាក់ នាក់ និងក្រសួងការពារជាតិ ចាក់បាន ២៩៤,៥៤៣នាក់ ។
តួលេខនៃការចាក់វ៉ាក់សាំងនេះ បានបង្ហាញពីការនាំមុខ នៃការចាក់វ៉ាក់សាំងការពារកូវីដដល់ពលរដ្ឋរបស់ខ្លួនដែលមានជាង១២ភាគរយ ធៀបនឹងប្រទេសអា៊សានដទៃទៀត និងបន្ទាប់ពីសិង្ហបុរីដែលចាក់បានច្រើនបំផុតដល់ ជាង ៣០ភាគរយ៕
