ប្រជាជនដែលមានប្រាក់ចំណូលពីទាបទៅមធ្យម កំពុងមានការចាប់អារម្មណ៍លើតម្លៃដ៏សមរមនេះ តែបញ្ហាគឺ តើគួរបញ្ចៀសហានិភ័យ លើការវិនិយោគលើលំនៅដ្ឋានតម្លៃមធ្យម ដោយរបៀបណា?
ខាងក្រោយជាដំណោះស្រាយមួយចំនួន៖
ប្រាកដណាស់ មានម្ចាស់គំរោងមួយចំនួនបានប្រកាសលក់គម្រោងលំនៅដ្ឋាន ដោយមិនទាន់បានចាប់ផ្តើមសាងសង់ បុកគ្រឹះ ដោយការយកប្លង់ដីដាក់បញ្ចាំនៅធនាគារ ដើម្បីយកជាប្រាក់កម្ចីមកសាងសង់ ដែលធ្វើឲ្យអ្នកទិញមិនទាន់អាចកាត់ប្លង់រ៉ឹងបាន។
ដើម្បីបញ្ចៀសហានិភ័យ អតិថិជនដែលទិញលំនៅដ្ឋានប្រភេទនេះ ត្រូវប្រាកដថា គម្រោងដែលពួកគេបានទិញ អាចទទួលបានប្លង់រឹងនៅពេលណា តើជាគម្រោងមានការអភិវឌ្ឍន៍ច្បាស់លាស់ ជាគម្រោងដែលមានគុណភាពសំណង់ល្អ ម្ចាស់គម្រោងជាអ្នកដែលមានកេរ្ត៍ឈ្មោះល្អ មានច្បាប់សាងសង់និងច្បាប់អភិវឌ្ឍន៍ត្រឹមត្រូវ ដែលចេញដោយក្រសួងពាក់ព័ន្ឋ ដូចជា ក្រសួងសេដ្ឋកិច្ចនិងហិរញ្ញវត្ថុក្រសួងរៀបចំដែនដី ណគរូបនីយកម្ម និងសំណង់ជាដើម។
ក្រៅពីនេះអ្នកអាចរកការពិគ្រោះ និងសុំយោបល់ពីភ្នាក់ងារ ដែលជាក្រុមហ៊ុនមានជំនាញ បទពិសោធន៍ក្នុងវិស័យអចលនទ្រព្យ ជាមួយនឹងថ្លៃសេវាកម្មបន្តិចបន្តួច លោកអ្នកអាចប្រាកដ និងដឹងច្បាស់ពីគម្រោងណាដែលគួរវិនិយោគ និងឆាប់បានផលចំណូលមកវិញ ជៀសវាងបាននូវហានិភ័យទាំងឡាយ ព្រោះភ្នាក់ងារទាំងនេះ មានទីផ្សារនិងបណ្ដាញច្រើន ជាងអ្នក៕
