7-Eleven ត្រូវបានគេស្គាល់ថាគឺជា ហាងលក់ទំនិញរាយដ៏ល្បីមួយ ដែលមានវត្តមានតាំងពីឆ្នាំ១៩២៧ របស់សហរដ្ឋអាមេរិច ហើយតូ្រវបានមនុស្សជុំវិញពិភពលោកមានការពេញនិយមគាំទ្រ ស្ទើរតែគ្រប់បណ្ដាប្រទេសទាំងអស់។ ហើយនាពេលបច្ចុប្បន្នហាងទំនិញ7-Eleven ប្រភេទនេះ បានពង្រីកសាខារបស់ខ្លួន ប្រមាណជាជាង៧០០០០ សាខាទូទាំងពិភពលោក និងអាចរកប្រាក់ចំណូលបានរាន់លានដុល្លារមិនចាញ់ផ្សារទំនើបប៉ុន្មាននោះឡើយ។កាន់តែពិសេសទៅទៀតនោះ 7-Eleven នឹងបង្ហាញវត្តមាន នៅក្នុងប្រទេសកម្ពុជាក្នុងពេលឆាប់ៗនេះ។ ហើយតើម៉ាត 7-Elevenដែលមានទំនិញរាប់រយមុខនេះប្លែកនឹង ពិសេសត្រង់ណាខ្លះដែលធ្វើឲ្យគេផ្ដល់តម្លៃខ្ពស់ទៅលើវាបែបនេះ?
១.ការបើកលក់ ២៤ម៉ោង
បើសិនជាយើង និយាយអំពីម៉ាត អ្នកប្រាកដជា នឹកឃើញ 7-Eleven មុនគេដោយសារតែ ហាងលក់ទំនិញមួយប្រភេទនេះ មានការបើកលក់រយ:ពេល ២៤ ម៉ោងក្នុងមួយថ្ងៃ ៧ថ្ងៃក្នុងមួយសប្ដាហ៍ពេញតែម្ដង នេះបើប្រៀបធៀបទៅនឹងកាលពី ៤០ ទៅ៥០ ឆ្នាំមុនវាពិតជាពិសេសដោយសារតែកាលនោះ គឺមិនទាន់មានហាងលក់ទំនិញរាយ បែបនេះបើកដំណើរការ ២៤ម៉ោងនោះទេ។
២.គុណភាពនៃទំនិញ
រាល់ទំនិញរបស់ 7-Eleven គឺមានគុណភាពខ្ពស់ ដោយសារតែគ្រប់ទំនិញទាំងអស់ត្រូវបានឆ្លងកាត់នឹងការធ្វើតេស្ដសាកល្បងដែលអាចធានាបានថា គ្រប់ទំនិញនៅទីនេះមានស្ដង់ដារត្រឹមត្រូវ។ ទោះបីជា គ្រប់ទំនិញរបស់ 7-Eleven មានការដាក់លក់ទំនិញ មានតម្លៃថ្លៃលើសម៉ាតលក់ទំនិញ ផ្សេងៗបន្តិចក៏ពិតមែន ប៉ុន្តែអតិថិជននៅតែបន្តគាំទ្រ ហើយក៏មានការលក់ដាច់បំផុតជុំវិញបណ្ដាប្រទេសនៅលើពិភពលោក។
៣.ភាពងាយស្រួលមកកាន់អតិថិជន
7-Eleven គឺមានភាពខុសប្លែកពីហាងទំនិញគេដទៃដែលអាចដណ្តើមទីផ្សារនៅជុំវិញពិភពលោកបានយ៉ាងងាយ ជាមួយនឹងយុទ្ធសាស្រ្តរបស់ 7-Eleven ។ ក្នុងនោះផងដែរ 7-Eleven ជាហាងងាយស្រួលបំផុតមួយដែលមានទំនិញលក់រាយទំហំ៦០០០០ ទូទាំងពិភពលោក។ អតិថិជនអាចចូលទៅក្នុងហាង ទិញម្ហូបភេសជ្ជៈ និងរបស់របរជាច្រើនផ្សេងទៀត។ភាគច្រើននៃហាង 7-Eleven ដំណើរការ ២៤ ម៉ោងក្នុងមួយថ្ងៃ ៧ថ្ងៃក្នុងមួយសប្តាហ៍។ដូច្នេះហាងនេះផ្តល់ជូននូវប្រភេទអាហារសម្រាប់អាហារពេលព្រឹករហូតដល់ពាក់កណ្តាលអធ្រាត្រ។មនុស្សម្នាក់អាចបង់ប្រាក់តាមរយៈកាតសាច់ប្រាក់ ឬប័ណ្ណឥណពន្ធនៅហាង 7-Eleven ណាក៏បាន។
៤.សេវាកម្មនៃការដឹកជញ្ចូន
7-Eleven ក៏បានភ្ជាប់ទំនាក់ទំនងជាមួយក្រុមហ៊ុនដឹកជញ្ចូនដូចជា Door Dash និង Postmates ដែលប្រើប្រាស់បច្ចេកវិទ្យា ដើម្បីឆ្លើយតបនឹងការទិញទំនិញតាមតម្រូវការជាមួយការដឹកជញ្ជូនដល់អតិថិជនរបស់ខ្លួនដើម្បីបំរើពួកគេអោយកាន់តែប្រសើរឡើង។កាន់តែពិសេសទៅទៀតនោះរាល់ការដឹកជញ្ចូនមានភាពលឿនរហ័ស ដោយសារតែ ក្នុងមួយតំបន់ៗគឺមានហាងទំនិញប្រភេទនេះច្រើនចំនួន ៣ទៅ ៤សាខា ដែលវាមានលក្ខណ: ងាយស្រួលស្វែងរក ងាយស្រួលទិញ និងអាចទុកចិត្តបាន។
៥.ការដឹកជញ្ចូនផលិតផល
រាល់ការដឹកជញ្ចូន នូវផលិតផលរបស់ 7-Eleven គឺមានការខុសប្លែកពីគេដាច់ស្រឡះ ពីព្រោះការដឹកជញ្ចូនផលិតផលមួយមុខៗ គឺត្រូវការដឹកមកកាន់ហាងដោយឡែកពីគ្នាគ្រប់ផលិតផលទាំងអស់ ដោយមានភាពច្បាស់លាស់ទៅតាមគោលការណ៍របស់ ក្រុមហ៊ុនមួយនេះ។ដូច្នេះប្រសិនបើគិតទៅហាងទំនិញលក់រាយប្រភេទនេះ វាមានរាប់មឺុនមុខទំនិញនោះគេក៏ត្រូវការដឹកជញ្ចូនរាប់សិបឡាន ក្នុងមួយផលិតផល មិនមានភាពរញ៉េរញ៉ៃនោះឡើយ។
ទាំងអស់នេះហើយដែលធ្វើឲ្យ 7-Elevenមានការផ្ទុះ នឹងល្បីល្បាយទូទាំងប្រទេស ជាមួយនឹងយុទ្ធសាស្រ្តទីផ្សារខុសដាច់ស្រឡះពីហាងលក់ទំនិញដទៃស្ទើរតែទាំងស្រុង។ ដូច្នេះតើអ្នកបានត្រៀមខ្លួនរួចរាល់ហើយ ឬនៅជាមួយនឹងការមកដល់របស់ហាងទំនើប7-Eleven មកកាន់ប្រទេសកម្ពុជានាពេលឆាប់ៗខាងមុខនេះ៕
