ប្រទេសឡាវ៖ រដ្ឋមន្ត្រីក្រសួងថាមពល និងរ៉ែ លោក Davong Phonkeo បានទៅទស្សនារោងចក្រចម្រាញ់ប្រេង ឡាវ-ចិន កាលពីពេលថ្មីៗនេះ ហើយបានរាយការណ៍ថា ក្នុងដំណាក់កាលដំបូង រោងចក្រចម្រាញ់ប្រេងនឹងផលិតប្រេងបាន ១លានតោនក្នុងមួយឆ្នាំ ហើយនៅពេលសាងសង់រួចរាល់ វានឹងផលិតបានសរុប ៣លាន តោន។
រោងចក្រចម្រាញ់ប្រេងដំបូងគេក្នុងប្រទេសឡាវ ត្រូវបានគេរំពឹងថានឹងចាប់ផ្តើមផលិតឥន្ធនៈ សាកល្បងនៅខែវិច្ឆិកាឆ្នាំមុន តែត្រូវបានខកខានក្នុងការចែកចាយ។ ទោះយ៉ាងណា ក្រុមហ៊ុនមិនទាន់ ចែកចាយប្រេងដែលផលិតបានទេ ហើយកំពុងរង់ចាំការយល់ព្រមពីរដ្ឋាភិបាល។
លោក Wang Deng Tao នាយករងក្រុមហ៊ុន Lao-China Petroleum Public Company Limited បាននិយាយថា ការសាងសង់រោងចក្រចម្រាញ់ប្រេងនេះ ចែកចេញជា 3 ដំណាក់កាល ហើយការកសាងរោងចក្រចម្រាញ់ប្រេងទីមួយបានរួចរាល់ហើយ។ តាមគម្រោងនឹងត្រូវចំណាយពេលប្រមាណ១០ឆ្នាំ ដើម្បីបញ្ចប់ការអភិវឌ្ឍគម្រោងដំណាក់កាលទី២ និងទី៣។
រោងចក្រចម្រាញ់ប្រេងនេះ គឺជាក្រុមហ៊ុនបណ្តាក់ទុនរួមគ្នារវាងក្រុមហ៊ុន Lao-China Petroleum Public Limited និងក្រុមហ៊ុន Yunan Construction Company Group (YCIH) ដែលមានទីតាំងនៅតំបន់សេដ្ឋកិច្ចពិសេស Saysettha ដែលមានដើមទុនចុះបញ្ជីចំនួន 36,960,000 ដុល្លារ។
