ប្រទេសវៀតណាម៖ ក្រុមហ៊ុន McLaren របស់អង់គ្លេស នឹងបើកដំណើរការ សាលតាំងលក់រថយន្តម៉ាក McLaren នៅប្រទេសវៀតណាម ដែលមានទីតាំងក្នុងសង្កាត់ 1 នៃទីក្រុងហូជីមិញ ចាប់ពីត្រីមាសទី 2 តទៅ។ McLaren ត្រូវបានបង្កើតឡើងក្នុងឆ្នាំ 2010 គឺជាក្រុមហ៊ុនបុត្រសម្ព័ន្ធដែលគ្រប់គ្រងដោយ McLaren Group ដែលមានទីស្នាក់ការនៅប្រទេសអង់គ្លេស។

ក្រុមហ៊ុន S&S Automotive ដែលមានមូលដ្ឋាននៅទីក្រុង HCMC ជាអ្នកនាំចូល និងចែកចាយតែមួយគត់ ដែលបានការអនុញ្ញាតលក់ក្នុងប្រទេសវៀតណាម។ ក្រុមហ៊ុន S&S Automotive គឺជាអ្នកចែកចាយរថយន្តម៉ាក Rolls-Royce ដែលជាម៉ាករថយន្តប្រណិតផ្សេងទៀត ផងដែរ។

ប្រទេសវៀតណាមគឺជាទីផ្សារទី 41 របស់ក្រុមហ៊ុន McLaren ដែលត្រូវបានអនុញ្ញាតឲ្យមានអ្នកលក់បន្ត។ ចំពោះរថយន្ត ម៉ាក Ferrari, Lamborghini និង Aston Martin ក៏មានវត្តមានក្នុងប្រទេសវៀតណាមរួចហើយដែរ។

នាយកប្រតិបត្តិរបស់ McLaren លោក Mike Flewitt ធ្លាប់បាននិយាយកាលពីឆ្នាំ 2019  ថា ក្រុមហ៊ុនផលិតរថយន្តបានព្យាយាមបើកការចែកចាយនៅក្នុងប្រទេសវៀតណាម និងប្រទេសហ្វីលីពីន៕