សូមចូល Telegram ក្រមាប៉ុស្ដិ៍ ទទួលបានអត្ថបទឆាប់រហ័ស
ការងារជាក្រុមដើម្បីទៅសម្រេចកិច្ចការមួយយ៉ាងហោចណាស់គឺត្រូវមានការសហការគ្នាជាក្រុមហើយបូកបន្ថែមនឹងចំណុចពិសេសៗរបស់សមាជិកក្នុងក្រុមម្នាក់ៗដែលធ្វើឱ្យកិច្ចការក្រុមមួយមានដំណើរប្រសិទ្ធិភាព។ តាមរយៈ លោកស្រី Therese Huston ជានាយកវិទ្យាស្ថានផ្នែកកិច្ចការបង្រៀន និងការសិក្សានៃសាកលវិទ្យាល័យ Seattle សហរដ្ឋអាមេរិកក៏បានលើកឡើងជាចំណុចសម្រាប់ពិចារណាដើម្បីឱ្យកិច្ចការងារក្រុមដំណើរការល្អដូចខាងក្រោមនេះ៖
១.អ្វីដែលអ្នកខ្លាំង?
អាចកំណត់ភាពខ្លាំងរបស់អ្នកដែលអាចសួរសំនួរដូចជា៖
តើអ្វីដែលខ្ញុំចូលចិត្ត?
តើអ្វីដែលអ្នកបានធ្វើរួចហើយ ប៉ុន្តែនៅតែអាចគិតថា នឹងធ្វើវាម្តងទៀត ឬបន្តធ្វើវាទៀត បើមានឱកាស?
តើអ្នកធ្លាប់បានសម្រេចកិច្ចការណាមួយ ដែលអ្នករំលឹកមើលវាដោយសប្បាយចិត្ត និងរីករាយបន្តធ្វើវាទៀត?
ការងារណាមួយដែលអ្នកធ្វើ រហូតមិនបានមើលម៉ោង មើលពេល?
ការងារណា ដែលអ្នកធ្លាប់បានបំពេញ ហើយគិតថាវាជាការងារល្អបំផុតសម្រាប់ខ្លួនអ្នក?
ចំណុចៗខាងលើនេះគឺជាលក្ខណៈសម្បត្តិល្អៗរបស់អ្នកក្នុងការបំពេញការងារនិងរួមទាំងជាបុគ្គលិកលក្ខណៈសម្រាប់ការរស់នៅប្រចាំថ្ងៃ។
២.អ្វីដែលអ្នកខ្លាំងសម្រាប់ក្រុម?
តើចំណុចណាខ្លះ ដែលអ្នកផ្សេងៗធ្លាប់ប្រាប់អ្នក ថាអ្នកបានកិច្ចការនោះបានយ៉ាងល្អប្រសើរ?
តើអ្វីដែលជាចំណុចខ្លាំង ដែលអ្នកបានសម្គាល់ឃើញពេលបំពេញការងារ?
តើកន្លែងណា ដែលអ្នកគិតថាអ្នកបំពេញកិច្ចការទទួលបានលទ្ធផលល្អបំផុតជារឿយៗ?
តើអ្វីដែលអ្នកធ្លាប់បំពេញកិច្ចការងារនោះ ហើយគិតថាវានឹងមានផលល្អនៅពេលអ្នកចាប់ធ្វើវាឡើងវិញនាពេលបច្ចុប្បន្ននេះ?
តើអ្វីដែលអ្នកគិតថា អ្នកមានភាពងាយស្រួលធ្វើជាងគេ បើប្រៀបនឹងសមាជិកឯទៀតនៅក្នុងក្រុម?
សម្រាប់ខាងលើនេះក្រោយពេលអ្នកសម្គាល់រួចអ្នកនឹងអាចប្រើប្រាស់វាសម្រាប់ជាចំណែករុញដំណើរការងារជាក្រុមអ្នកឱ្យមានប្រសិទ្ធិភាពទៅមុខ៕
