បច្ចេកវិទ្យា៖ បើទោះបីជាកុំព្យូទ័ររបស់អ្នកមាន CPU ដ៏ខ្លាំងបំផុត តែបើថាសសម្រាប់ផ្ទុកទិន្នន័យ អ្នកខ្លះហៅថា ដ្រាយ ​(សំដៅលើ SSD, HDD) របស់អ្នកនៅទាបឬអន់ វានឹងធ្វើឲ្យដំណើរការមិនអាចពេញចិត្តអ្នកបានដដែល មានន័យថា វានឹងយឺត។ 

ការជ្រើសរើសបាន SSD ដ៏ល្អមួយសម្រាប់កុំព្យូទ័ររបស់អ្នកគឺជាគន្លឹះពិសេសមួយ ដើម្បីបង្កើនល្បឿនដើម្បី ដំណើរការផ្ទេរ និងផ្ទុកទិន្នន័យ។ ជាទូទៅថាសផ្ទុកទិន្នន័យជា ប្រភេទ HDD គឺមានភាពយឺតយ៉ាវ និងមានរាងធំជាង។ SSD ធម្មតាក៏នៅមានល្បឿនលឿនជាង HDD តែភាពខុសគ្នានៃតម្លៃរបស់វាក៏គួរតែពិចារណាផងដែរ។  អ្នក​អាចអានបន្ថែមពី ​ភាព​ខុស​គ្នា​រវាង Hard Drive និង SSDs។ 

ខាងក្រោមនេះគឺជាគន្លឹះខ្លីៗចំនួន៤ ដើម្បីពិចារណាក្នុងការទិញ SSD៖

១. ស្គាល់ពីកុំព្យូទ័ររបស់អ្នក ឬទម្រង់នៃ SSD

SSDs ឃើញជាទូទៅមាន​បីទម្រង់ នោះគឺ  M.2 និង 2.5-inch Serial ATA និង SSD Add-in Card (AIC)។ អ្នកត្រូវដឹងថា តើកុំព្យូទ័រអ្នកមានរន្ធសម្រាប់ SSD M.2 នៅលើ motherboard ដែរឬទេ? បើគ្មានទេ អ្នកប្រហែលជាត្រូវការ SSD 2.5 អ៊ីញជំនួសវិញ។ 

ជាការកត់សំគាល់ប្រសិនបើអ្នកប្រើ Laptop ដែលមានរាងស្ដើង គឺតែងតែប្រើជាមួយ SSD M.2 ដែលរូបរាងវាប៉ុនបន្ទះ RAM ឬអាចតូចជាងនេះ។ បើអ្នកប្រើ Desktop គេច្រើនប្រើជាដ្រាយ AIC សម្រាប់ដោតចូលទៅក្នុងរន្ធនៅលើ motherboard ដែលត្រូវបានប្រើជាទូទៅសម្រាប់កាតក្រាហ្វិក ។ 

*ចំណាំចំពោះ Interfaceនៃ SSD៖ ឧបករណ៍ SSD ខ្លះប្រើ Interface ជា SATA និងខ្លះប្រើ Interface ជា PCle ។ សង្ខេបដោយខ្លី PCIe SSD ដំណើរការលឿនជាង SATA SSD ។

២. ការជ្រើសរើសទំហំ 

អាចចាប់ពី 512GB ទៅ 1TB៖ ការទិញ SSD ដែលមានទំហំផ្ទុកត្រឹមតែ 256GB គឺមិនមែនជាចំនុចល្អនោះទេ​ ដោយបច្ចុប្បន្ននេះ ឯកសាររូបថត ឬវីដេអូជាច្រើន ត្រូវបានផលិតជាខ្នាត 2K ឬ 4K ដែលមានទំហំធំ។ ដូច្នេះអ្នកត្រូវការយ៉ាងហោចណាស់ 500GB ។ 

ចំពោះការលក់ ដ្រាយនៅលើទីផ្សារ ទំហំកាន់តែធំ តម្លៃកាន់តែមានភាពល្អប្រសើរជាង។ សម្រាប់អ្នកធ្វើការលើផ្នែក Media បានដ្រាយ 2TB គឺកាន់តែល្អ។

៣. ដំណើរការរបស់ដ្រាយ (Performance)

សូម្បីតែ SSD ស្ងាត់ជាង និងប្រើថាមពលតិចជាង ដ្រាយ HDD ។ SSD សាមញ្ញមួយក៏លឿនជាង យ៉ាងហោចណាស់បីដងដែរ នៅក្នុងសេណារីយ៉ូដែលប្រើជាទូទៅ។ ដ្រាយប្រភេទ SATA ពិតជាមានតម្លៃថោកជាង យឺតជាង ហើយនៅតែផ្តល់នូវដំណើរការដ៏ល្អសម្រាប់កម្មវិធីទូទៅ តែប្រសិនបើកុំព្យូទ័ររបស់អ្នកប្រើត្រូវជាមួយ NVMe/PCIe  គឺមិនគួររើសយក SATA នោះទេ។

៤. អាយុកាលប្រើប្រាស់

រឿងចុងក្រោយដែលត្រូវពិចារណាគឺអាយុកាលប្រើប្រាស់។ នៅក្នុងការប្រៀបធៀបរបស់យើងនៃអាយុកាលរបស់ដ្រាយ HDD គឺមាន Spinning ជាប្រចាំ ដែលច្បាស់ណាស់ថាប្រហែល 74 ភាគរយនៃដ្រាយ HDD អាចដល់ 4 ឆ្នាំ។

SSDs មិនមានផ្នែកដែលផ្លាស់ទី និងដំណើរការបានយ៉ាងស្ងាត់ និងមិនមានផ្នែកដែលត្រូវបើកបិទដែរ។ ដូច្នេះហើយ បញ្ហាខុសឆ្គងលើផ្នែកមេកានិក មិនមែនជាអ្វីដែលគួរព្រួយបារម្ភនោះទេ៕