សូមចូល Telegram ក្រមាប៉ុស្ដិ៍ ទទួលបានអត្ថបទឆាប់រហ័ស
អ្វីដែលយើងមាននៅថ្ងៃនេះគឺជាមូលដ្ឋានដែលយើងអាចប្រើប្រាស់សម្រាប់ផ្លូវទៅរកទីដៅដែលយើងប៉ងទុកមិនថាថ្ងៃស្អែក ថ្ងៃក្រោយឆ្នាំក្រោយនោះទេ។ ដូចនេះការរីករាយនូវអ្វីដែលអ្នកកំពុងមាន ហើយយកវាជាស្ពានតទៅដល់គោលដៅដូចនេះសកម្មភាពពីមួយថ្ងៃៗគឺជាកម្លាំងមួយឱ្យយើងបានទៅជួបទីដៅនោះ។ ដូចនេះការជម្រុញចិត្តប្រចាំថ្ងៃគឺជារឿងដែលគួរគប្បីមានសម្រាប់វាតាមបទពិសោធខាងក្រោមនេះអ្នកអាចយកទៅជាការវិភាគសម្រាប់សកម្មភាពប្រចាំថ្ងៃអ្នកបាន៖
១.ចេញក្រៅបន្តិច
យើងប្រាកដជាដឹងហើយថាការទៅទីកន្លែងធម្មជាតិឬកន្លែងខ្យល់អាកាសបរិសុទ្ធនឹងកាត់បន្ថយនូវអារម្មណ៍តានតឹងនិងបានមកវិញនូវអារម្មណ៍ស្រស់ស្រាយអារម្មណ៍ផ្ចិតផ្ចង់មកវិញ ហើយនេះត្រូវបានការស្រាវជ្រាវជាច្រើនក៏លើកបង្ហាញពីលទ្ធផលដូចនេះផងដែរ។ ដូច្នេះ ការចំណាយពេលបន្តិចអាចទៅកន្លែងណាដែលស្រស់ស្រាយសម្រាប់អ្នកជារឿងល្អដែលអ្នកអាចធ្វើបានសម្រាប់នាំយកភាពសកម្មមកផងនិងសុខភាពផ្លូវកាយនិងចិត្តផង។
២.កំណត់ឱ្យមានពេលបន្តិចសម្រាប់ហាត់ប្រាណ
មិនថាការហាត់យ៉ូហ្គាការលោតរត់១០នាទី ឬមួយសូម្បីការឡើងជណ្តើរចុះឡើងនៅកន្លែងធ្វើការក៏នឹងធ្វើឱ្យអារម្មណ៍អ្នកបានប្រសើរជាភាពសកម្មផងដែរ។ សកម្មភាពនៃលំហាត់ប្រាណជាកាយវិការល្អសម្រាប់យើងទាំងរាងកាយនិងមានទំនាក់ទំនងល្អសម្រាប់សុខភាពផ្លូវចិត្តផងដែរ។
៣.ទទួលវីតាមីនD ពីពន្លឺព្រះអាទិត្យ
ពន្លឺព្រះអាទិត្យនៅពេលព្រឹកឬពេលល្ងាចនិងផ្តល់ឱ្យអ្នកនូវថាមពលពីធម្មជាតិនាំឱ្យយើងមានភាពស្រស់ស្រាយអារម្មណ៍ស្ងប់ល្អនឹងធម្មជាតិ និងបម្លែងជាភាពសកម្មសម្រាប់អ្នក។ មានពេល អាចត្រូវពន្លឺថ្ងៃខ្លះនឹងនាំមកជាប្រយោជន៍ដល់រាងកាយយើងមាំមួននិងអារម្មណ៍បានប្រសើរ។
៤.សម្លៀកបំពាក់ស្អាតសមរម្យ
មុនពេលចេញទៅបំពេញការងារអ្នកបានត្រៀមស្រេចនូវសម្លៀកបំពាក់ប្រចាំថ្ងៃរបស់អ្នកដូចនេះវាជាចំណុចពិសេសមួយសម្រាប់អ្នកចេញទៅប្រកបការងារដោយទំនុកចិត្ត ដោយទិសដៅថាអ្នកនឹងត្រូវធ្វើអ្វីនៅថ្ងៃនេះបេសសកកម្មអ្វីនៅថ្ងៃនេះ។ សម្លៀកបំពាក់ស្អាតសមរម្យត្រូវតាមពេលវេលា ទីកន្លែងនឹងជាចំណែកនៃភាពសកម្មទៅលើកិច្ចការងារនោះ។
៥.មានQuote ប្រចាំថ្ងៃ
មែនហើយអ្នកអាចមានសំណេរ Quoteមួយប្រចាំថ្ងៃជាការលើកទឹកចិត្តជម្រុញចិត្តថាអ្នកនឹងធ្វើកិច្ចការឱ្យបានប្រសើរជោគជ័យនៅថ្ងៃនេះ។ មិនតែប៉ុណ្ណោះយើងក៏អាចមានពេល១០ទៅ១៥នាទីសម្រាប់ឱ្យចំណេះដឹងពីក្នុងសៀវភៅចូលទៅខ្លួនយើងតាមរយៈការអាននេះដែលនឹងជម្រុញចិត្តយើងបានល្អ។ យើងអាចជ្រើសយកសៀវភៅតាមចំណូលចិត្តយើងមកអានមិនថាជាសៀវភៅចំណេះដឹងសៀវភៅពីការរកស៊ី ឬសៀវភៅជម្រុញចិត្តសុទ្ធសឹងតែជាប្រភពចំណេះល្អៗ ដែលអ្នកអាចវិភាគនិងជម្រុញចិត្តសម្រាប់តតាំងថ្ងៃថ្មីដែលជាអំណោយធម្មជាតិនេះ៕
