នៅក្នុងសារTwitter ប្រធានាធិបតី អាមេរិក បានវាយតម្លៃថា រដ្ឋមន្រ្តីយុត្តិធម៌ លោកJeff Sessions គួរត្រូវបិទបញ្ចប់ជាបន្ទាន់ ការស៊ើបអង្កេតទៅលើការជាប់ពាក់ព័ន្ធរវាងរុស្ស៊ី ហើយនិងក្រុមឃោសនាបោះឆ្នោតរបស់លោក នៅក្នុងអំឡុងបោះឆ្នោតប្រធានាធិបតីឆ្នាំ ២០១៦។ លោកដូណាល់ ត្រាំ ធ្លាប់បានបរិហាររហូតមក ថា ដំណើរការស៊ើបអង្កេតរបស់រដ្ឋអាជ្ញាពិសេស ជាការប្រឌិតរឿងដើម្បីតាមប្រមាញ់ចាប់មេធ្មប់។ នៅក្នុងបណ្តាញសង្គមTwitterនៅថ្ងៃម្សិលមិញ លោកប្រធានាធិបតី អាមេរិកបានបញ្ជាក់ប្រាប់រដ្ឋមន្រ្តីយុត្តិធម៌ត្រូវបិទបញ្ចប់សំណុំរឿងស៊ើបអង្កេតមួយនេះ នៅមុនពេលដែលវាធ្វើឲ្យប្រលាក់ខូចឈ្មោះអាមេរិក។
