មនុស្សគ្រប់រូបប្រឈមនឹងការលំបាកនានាជាច្រើនប៉ុន្តែបុគ្គលជោគជ័យតែងស្វែងរកវិធីគ្រប់យ៉ាងនៅក្នុងផ្លូវវិជ្ជមាន បន្តដំណើរទៅមុខនិងជាចុងក្រោយ យកឈ្នះលើអ្វីដែលអ្នកដទៃគិតថា មិនអាចយកឈ្នះបាន។
ហើយអ្នកក៏អាចធ្វើបានដូចគ្នា។នៅថ្ងៃនេះ ចូរចាប់ផ្តើមផ្លាស់ប្តូរទស្សនៈវិស័យរបស់អ្នកចំពោះ៖
១. ភាពបរាជ័យ
សម្រាប់មនុស្សភាគច្រើនភាពបរាជ័យមិនមែនជាអវសាន្តនៃពិភពលោកនោះទេ។ «ភាពបរាជ័យគ្រាន់តែជាចំណុចបញ្ចប់នៃគំនិតមួយ ឬលទ្ធភាពឬសុបិន្តមួយតែប៉ុណ្ណោះ»។ នៅពេលដែលអ្នកបរាជ័យលើអ្វីមួយ អ្នកអាចប្តូរទៅធ្វើអ្វីមួយផ្សេងទៀត ដែលជាឱកាសល្អជាកិច្ចការដែលអ្នកអាចថ្លឹងថ្លែងបានល្អជាងនេះបន្តិចនិងទំនងជាអាចទទួលបានជោគជ័យច្រើនជាងនេះ។
សម្រាប់មនុស្សមួយចំនួនភាពបរាជ័យមានន័យជាការខ្វះខាតអ្វីៗដែលអ្នកត្រូវការ ឬក្នុងករណីដែលអាក្រក់បំផុតវាអាចបង្ខំឲ្យកូនៗរបស់អ្នក ខ្វះខាតនូវអ្វីដែលពួកគេត្រូវការផងដែរ។ ភាពបរាជ័យ គឺអាក្រក់ប៉ុន្តែវាកាន់តែអាក្រក់ជាងនេះទៀត ប្រសិនបើអ្នកមិនធ្លាប់មានឱកាសសាកល្បងប្រើប្រាស់នូវជំនាញ បទពិសោធន៍និងចក្ខុវិស័យរបស់អ្នកដើម្បីជំនះវា។
ចូរមានអារម្មណ៍រីករាយ ដែលអ្នកមានឱកាសជួបការបរាជ័យដោយសារលក្ខខណ្ឌជាច្រើន ដែលយ៉ាងហោចណាស់ក៏អ្នកមានចំណែកក្នុងការកំណត់លក្ខខណ្ឌទាំងនោះ ដែលមនុស្សជាច្រើនមិនមានឱកាសបែបនោះឡើយ។
២. ការរិះគន់
«មនុស្សធ្វើការរិះគន់តែនៅពេលដែល ពួកគេយកចិត្តទុកដាក់ប៉ុណ្ណោះ»។ ខណៈពេលដែលមនុស្សជាច្រើននៅយកចិត្តទុកដាក់ចំពោះអ្នកឬអាជីវកម្មរបស់ អ្នកមានឱកាសក្នុងការធ្វើអ្វីមួយ ឲ្យកាន់តែល្អប្រសើរ ធ្វើការងារខុសៗគ្នា ដើម្បីកែប្រែគំនិតរបស់អ្នក ឬគ្រាន់តែដើម្បីស្ថិតនៅចំនុចកណ្តាល។
ការព្រងើយកន្តើយ គឺកាន់តែអាក្រក់គឺអាក្រក់ជាងការរិះគន់ខ្លាំងណាស់។
៣. ភាពគ្មានសុភមង្គល
នៅពេលដែលអ្នកពិបាកចិត្ត មានន័យថាអ្នកយកចិត្តទុកដាក់ ហើយការយកចិត្តទុកគឺជាប្រភពនៃការផ្លាស់ប្តូរអ្វីមួយឲ្យកាន់តែប្រសើរឡើង។ ភាពព្រងើយកន្តើយគឺកាន់តែអាក្រក់ជាងនេះឆ្ងាយណាស់។
ចូរកុំរស់នៅក្នុងភាពគ្មានសុភមង្គល ចូរប្រើវាជាថាមពល ដើម្បីធ្វើឲ្យជីវិតរបស់អ្នកកាន់តែប្រសើរឡើង។
៤. ការច្រណែន
គិតដល់មនុស្សដែលអ្នកកោតសរសើរ។គិតដល់មនុស្សដែលទទួលបានទំនុកចិត្ត និងការឲ្យតម្លៃពីអ្នក។ ចូរមានអារម្មណ៍ដឹងគុណដែលអ្នកទាំងនោះគឺជាផ្នែកមួយនៃជីវិតរបស់អ្នក។ ជាក់ស្តែង ចូរកុំលាក់ទុកការដឹងគុណនោះនៅក្នុងខ្លួនអ្នកតែម្នាក់ឯង ចូរប្រាប់ពួកគេអំពីអារម្មណ៍របស់អ្នក។
វានឹងធ្វើឲ្យពួកគេមានអារម្មណ៍រីករាយចំពោះមនុស្សដូចអ្នក។
៥. ការសម្រេចចិត្ត
អ្នកអាចមានជម្រើសជាច្រើន និងជម្រើសដែលអ្នកនឹងត្រូវជ្រើសរើសនៅពេលអនាគតទាំងនៅក្នុងអាជីវកម្ម និងនៅក្នុងជីវិតផ្ទាល់ខ្លួន ដែលធ្វើឲ្យមានភាពតានតឹង និងប៉ះពាល់យ៉ាងខ្លាំងលើទឹកចិត្តរបស់អ្នក។
បង្វិលជម្រើសទាំងនោះនៅជុំវិញខ្លួនអ្នក៖ ស្រមើស្រម៉ៃថាតើអ្នកនឹងមានអារម្មណ៍បែបណាបើអ្នកមានជម្រើសតែពីរ ឬបី ប្រសិនបើអាច។ ស្រមើស្រម៉ៃថាតើអ្នកនឹងមានអារម្មណ៍បែបណាប្រសិនបើអ្នកមានជម្រើសដែលអាចកែប្រែបានតែពីរឬបី ប្រសិនបើអាច។
ចូរមានអារម្មណ៍រីករាយដែលអ្នកមានជម្រើសកាន់តែច្រើន កាន់តែល្អ។
៦. ការតស៊ូ
មិនមែនជាការតស៊ូដែលគ្មានចេតនាឲ្យកើតឡើងឡើយ។ ការតស៊ូដែលកើតឡើងដោយចេតនា៖ ដូចជាការជ្រើសរើសធ្វើការងារដ៏សែនលំបាក ឬជំនះខ្លួនឯងឲ្យឆ្លងកាត់ឧបសគ្គផ្នែកខួរក្បាលឬផ្នែករូបវន្តណាមួយ ឬធ្វើការលះបង់ដើម្បីបុគ្គលដែលពឹងផ្អែកលើអ្នក។
នៅពេលអ្នកតស៊ូ ជំនះ និងអត់ធ្មត់នឹងការលំបាកអ្នកមិនត្រឹមតែពន្លាតព្រំដែន នៃអ្វីដែលអ្នកជឿជាក់ថាអ្នកអាចធ្វើបានប៉ុណ្ណោះទេ ប៉ុន្តែ នៅពេលខ្លះ អ្នកថែមទាំងអាចដើរចូលទៅកាន់ ពិភពដែលគ្មានទុក្ខកង្វល់ទៀតផង ដែលអ្នកអាចស្វែងរកឃើញតែនៅពេលដែលអ្នកពិតជាបាន យកអ្វីដែលមិនសំខាន់ចេញប៉ុណ្ណោះ(ដែលនេះបានប្រែក្លាយជាអ្វីដែលអ្នកបារម្ភបំផុត)។
ការតស៊ូជួយអ្នកឲ្យយល់ថា តើអ្នកជាអ្នកណាឲ្យពិតប្រាកដ និងតើអ្នកចង់ក្លាយជាមនុស្សបែបណាយ៉ាងពិតប្រាកដ។
៧. ការពន្យារពេល
ភាពអំណត់ដែលនៅមាន កម្រមានភាពរីករាយខ្លាំងណាស់ ប៉ុន្តែការរង់ចាំអាចជារឿងដ៏ល្អមួយ។
ឧទាហរណ៍៖ ការស្រាវជ្រាវបង្ហាញថានៅពេលដែលពាក់ព័ន្ធនឹងវិស្សមកាល ភាពកើនឡើងខ្លាំងបំផុតនៃសុភមង្គលគឺចេញមកពីការរៀបចំផែនការរត់គេច។ ហើយការរំពឹងទុកចំពោះវិស្សមកាលនេះបង្កើនសុភមង្គលក្នុងរយៈពេលជាមធ្យមចំនួនប្រាំបីសប្តាហ៍។
ទោះបីជា បន្ទាប់ពីបញ្ចប់វិស្សមកាលរួចកម្រិតនៃសុភមង្គលនឹងធ្លាក់ចុះមកដល់ចំណុចទាបបំផុតយ៉ាងឆាប់រហ័ស។ តាមធម្មតានៅក្នុងរយៈពេលមិនប៉ុន្មានថ្ងៃក៏ដោយក៏នៅពេលឆាប់ៗខាងមុខ អ្នកដែលមានពេលវិស្សមកាលមិនរីករាយជាងអ្នកដែលគ្មានឡើយ។ ចូររីករាយដែលអ្នកត្រូវរងចាំ ជាពិសេសសម្រាប់អ្នកពិតជាចង់បាន។ ការរំពឹងទុកដោយក្តីរង់ចាំតែម៉្យាងគឺមានតម្លៃ។
លើសពីនេះទៀត ការរង់ចាំអ្វីដែលអ្នកចង់បាន (មិនមែនជាអ្វីដែលអ្នកត្រូវការ ប៉ុន្តែជាអ្វីដែលអ្នកចង់បាន) គឺជាភាពរីករាយដ៏អស្ចារ្យមួយ ដែលមានតែមនុស្សដែលទទួលបាន ការជូនពរប៉ុណ្ណោះដែលអាចទទួលបានវា។
៨. ការសោកស្តាយ
គិតអំពីអ្វីដែលអ្នកចង់ធ្វើឲ្យកាន់តែល្អប្រសើរជាងមុនឬចាត់ចែងវាដោយវិធីខុសប្លែកពីមុន។ ឬគិតអំពីអ្វីដែលអ្នកគិតថាអ្នកគួរតែបានធ្វើវាប៉ុន្តែដោយសារមូលហេតុមួយចំនួន អ្នកមិនបានធ្វើវា។
មានភាពឈឺចាប់ទេ? ពិតមែនហើយ ពិតជាឈឺចាប់និងត្រូវការកម្លាំងជំរុញទឹកចិត្ត។ ប្រើប្រាស់កម្លាំងជំរុញនៅថ្ងៃនេះ។ ហៅទូរសព្ទទៅកាន់មិត្តម្នាក់ដែលអ្នកមិនបានទាក់ទងជាយូរមកហើយ។ផ្សះផ្សារទំនាក់ទំនងជាមួយសមាជិកគ្រួសារ។ ចូរធ្វើជាមនុស្សចាស់ទុំនិងនិយាយពាក្យសុំទោស។ ធ្វើអ្វីដែលអ្នកគិតថា អ្នកគួរតែធ្លាប់បានធ្វើវា។
អ្នកនឹងមានអារម្មណ៍រីករាយដែលអ្នកបានធ្វើវា។
៩. ពេលវេលា
ពីព្រោះអ្នកមានពេលវេលានិងធនធានសម្រាប់ធ្វើអ្វីមួយ ដូចជាការអានអត្ថបទនេះជាដើមនោះមានន័យថាអ្នកមានពេលវេលាសម្រាប់៖ «អភិវឌ្ឍខ្លួនអ្នកពិចារណាអំពីគំនិតថ្មីៗ ព្យាយាមធ្វើខ្លួនឲ្យក្លាយជាមនុស្សម្នាក់ដែលកាន់តែល្អពង្រឹងទំនាក់ទំនងល្អជាមួយគ្រួសារ និងមិត្តភក្តិ»។
ពេលវេលា គឺជាទ្រព្យសម្បត្តិដែលសំខាន់ជាទីបំផុត ហើយអ្នកគួរតែ មានអារម្មណ៍ដឹងគុណខ្លាំងបំផុតចំពោះវា។ពេលវេលាធ្វើឲ្យអ្វីៗគ្រប់យ៉ាងអាចកើតឡើងបាន។ ឈប់ធ្វើអ្វីដែលមិនមានបញ្ហាហើយចំណាយពេលធ្វើអ្វីដែលធ្វើឲ្យសុបិន្តរបស់អ្នកក្លាយជាការពិត៕
