សូមចុចទីនេះដើម្បីទាញយកកម្មវិធី ក្រមា ប៉ុស្ដិ៍ ដាក់ក្នុងទូរស័ព្ទដៃ
រាជធានីភ្នំពេញ៖ តាមសេចក្ដីប្រកាសរបស់ក្រសួងសុខាភិបាល នាព្រឹកថ្ងៃទី១៣ ខែវិច្ឆិកា ឆ្នាំ២០២០ បានបញ្ជាក់ថា នៅត្រឹមថ្ងៃទី១២ ខែវិច្ឆិកា ឆ្នាំ២០២០ ក្រសួងសុខាភិបាល បានធ្វើតេស្តអ្នកប៉ះពាល់ក្នុងព្រឹត្តិការណ៍ ថ្ងៃទី០៣វិច្ឆិកា បានចំនួន ៥៦នាក់ បន្ថែមទៀត ដែលលទ្ធផលបង្ហាញថា អវិជ្ជមានវីរុសកូវីដ១៩ ទាំងអស់។
សរុបចំនួនតេស្តពីព្រឹត្តិការណ៍៣វិច្ឆិកា ដែលបានធ្វើវិភាគមាន ២៥៥៣ វត្ថុសំណាក ( ក្នុងចំនួននេះ មានអ្នកដែលបានធ្វើតេស្ត លើកទី១ ចំនួន ១៧៣៤នាក់ និងលើកទី២ បានចំនួន ៨១៩នាក់ ) ដោយលទ្ធផលពីវិទ្យាស្ថានប៉ាស្ទ័រកម្ពុជា។
លទ្ធផលបានបង្ហាញថា មានអ្នកវិជ្ជមានវីរុសកូវីដ១៩ ចំនួន ៤នាក់ ដដែល ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។ ដោយឡែកអ្នកមាន លទ្ធផលអវិជ្ជមានកូវីដ១៩ មានចំនួន ១៧៣០នាក់៕
