ជំងឺទឹកនោមផ្អែមប្រភេទទី២ កើតមាននៅពេលដែល រាងកាយមិនអាចប្រើអាំងស៊ុយលីន ដែលជាអ័រម៉ូនបំលែងជាតិស្ករក្នុងឈាម ទៅជាថាមពលបានត្រឹមត្រូវ។
យោងតាមការផ្សាយពីមន្ទីរពេទ្យកាល់ម៉ែត ការមិនបានព្យាបាលជំងឺនេះបណ្តាលឱ្យមានផលវិបាកធ្ងន់ធ្ងរជាច្រើនដូចជា៖
- ខ្សោយតម្រងនោម
- ស្លាប់សាច់ដុំបេះដូង
- ដាច់ ឬស្ទះសរសៃឈាមខួរក្បាល
- ជំងឺភ្នែក
- កាត់ជើង
ដោយឡែកដំបូន្មានមួយចំនួនសម្រាប់អ្នកជំងឺទឹកនោមផ្អែមគឺ៖
- ហាត់ប្រាណយ៉ាងតិច៣០នាទីក្នុងមួយថ្ងៃ
- បរិភោគអាហារមួយថ្ងៃយ៉ាងតិច៣ដង និងទៀងពេល
- លេបថ្នាំឱ្យបានទៀងទាត់និងតាមពេលដែលបានកំណត់
- ពិសាគ្រាប់ស្ករនិងផ្លែឈើភ្លាម បើឈឺក្បាលញ័រទ្រូង បែកញើសពេលល្ងាចមុនបាយ ពាក់កណ្តាលអាធ្រាត្រឬជិតភ្លឺ
- កុំពិសាស្រាច្រើន
- កុំពិសាបារី
- កុំពិសាប្រៃពេក
- កុំដើរជើងទទេនិងត្រូវសម្អាតជើងរាល់ថ្ងៃ
- ត្រូវពិគ្រោះជាមួយគ្រូពេទ្យឱ្យបានទៀងទាត់៕
