ខាងក្រោមនេះជាការរៀបចំដើម្បី ផ្សព្វផ្សាយអចលនទ្រព្យរបស់លោកអ្នក ឲ្យឆាប់ដាច់ តាមរយៈបណ្ដាញសង្គមក្រុមអ្នកវិនិយោគ ឬវិបសាយដែលមានស្រាប់ ទាំងនេះទាមទារឲ្យលោកយកចិត្តទុកដាក់លើ៖
ការប្រើប្រាស់រូបភាព
ជាទូទៅម្ចាស់អចលនទ្រព្យ ភ្នាក់ងារ មិនសូវយកចិត្តទុកដាក់ លើចំនុចតូចនេះ ទេ។តើអ្នកយល់យ៉ាងណា ពេលដែលឃើញរូបភាព មិនស្អាត គ្មានគុណភាព និងរូបភាពដែលស្អាតគុណភាពល្អ? ប្រាកដណាស់ រូបភាពដែលស្អាតនឹងទាក់ទាញអ្នកមើល។
សោភ័ណភាពនៃរូបភាពដែលអ្នកបង្ហោះ ជាចំនុចទាក់ទាញដំបូង ព្រោះរូបភាព បង្កប់នូវគុណភាពអចនទ្រព្យទាំងមូល។គួររៀបចំនឹងថតនិងបង្ហោះរូបភាពពិតប្រាកដ ដែលមានគុណភាព ពីជ្រុងណាមួយដែលពិសេស ឬពីផ្នែកនៃបន្ទប់ដែលស្អាត។
ការដាក់ចំណងជើង
មុនអ្នកយកសៀវភៅមួយក្បាលមកអាន តើអ្នកមើលអ្វីមុនគេ? សូមច្រោះយក ចំណងជើងដែលខ្លីនិងច្បាស់លាស់ ទាក់ទងនឹងអចលនទ្រព្យ តែក៏ត្រូវបង្កប់នូវការទាក់ទាញផងដែរ។
ការរៀបរាប់ចំនុចពិសេសនៃអចលនទ្រព្យ
ចំនុចត្រូវគិតថា បើអ្នក ជាអ្នកទិញវិញ តើចំនុចល្អណាខ្លះពីអចលនទ្រព្យដែលត្រូវមាន? អចលនទ្រព្យ មានចំនុចពិសេស និងចំនុចអវិជ្ជមានខ្លះៗតែអ្វីដែលអ្នកគួរបង្ហាញព័ត៌មានគឺ ត្រូវបង្ហាញនូវចំនុចដែលល្អ និងពិតប្រាកដ ពីបរិស្ថានល្អជុំវិញដូចជាមណ្ឌលពាណិជ្ជកម្ម ។ល។
វិធីសាស្ដ្រសម្រាប់ទំនាក់ទំនងជាមួយអ្នក
ចំនុចនេះត្រូវសួរថាតើអតិថិជន អាចទំនាក់ទំនងអ្នកបានដោយវិធីណា ក្នុងភាសាអ្វី ឬត្រូវសួរព័ត៌មានបន្ថែម?អ្នកត្រូវមានដាក់បញ្ជាក់នូវ ចំណងជើង ជាភាសាខ្មែរ និងអង់គ្លេស ឬភាសាចិនតាមប្រភេទអតិថិជនដែលអ្នកកំណត់ ហើយលេខទូរស័ព្ ទសម្រាប់ទំនាក់ទំនង គឺជាការចាំបាច់ ក៏ដូចជាអាស័យដ្ឋានអ៊ីម៉ែល និងជម្រើសផ្សេងដែលលោកអ្នកមាន ក៏អាចផ្តល់នូវភាពជឿជាក់ដល់អតិថិជន។
ការកំណត់តម្លៃអចលទ្រព្យតាមទីផ្សារ
រូបភាពមានការចាប់អារម្មណ៍ហើយបើតម្លៃថ្លៃពេក គួរពិចារណាទេ? តម្លៃក៏ជា ចំណាប់អារម្មណ៍របស់អតិថិជន ឲ្យមានការឆ្លើយឆ្លងជាមួយអ្នក។បើអចលនទ្រព្យនោះ ដាក់តំលៃខ្ពស់លើសតម្លៃទីផ្សារពេក អចលនទ្រព្យរបស់អ្នកនឹងត្រូវគេអូសរំលង នឹងមិនទទួលបានការចាប់អារម្មណ៍ពីអតិថិធំ។
តម្លៃដែលកំណត់អាចជាតម្លៃដែល អាចតថ្លៃបាន ជាពិសេសត្រូវស្ថិនក្នុងតម្លៃទីផ្សារ ឬក្នុងតម្លៃទាបជាងទីផ្សារប្រសិនបើលោកអ្នក មានតម្រូវការប្រើប្រាស់ទុនក្នុងរយៈពេលខ្លី។
ការឆ្លើយតបបានឆាប់រហ័ស
ការឆ្លើយតបជាមួយអតិថិជនដែលមានការចាប់អារម្មណ៍ លើអចលនទ្រព្យណាមួយ បានច្បាស់លាស់និងលឿន គឺបញ្ជាក់ពីជំនាញនិងការយកចិត្តទុកដាក់លើអតិថិជនរបស់អ្នក។ មិនដូច្នេះទេ អតិថិជន នឹងរកមើលអចលនទ្រព្យថ្មីទៀតឬរកអ្នកលក់ថ្មីទៀត ដែលមានក្នុងទីផ្សាររាប់មិនអស់ ហើយដែលមានការយកចិត្តទុកដាក់នឹងការផ្ដល់សេវានេះល្អជាងអ្នក។
ប្រាកដណាស់ចុងក្រោយ លក់ដាច់ឬមិនដាក់ ត្រូវការនូវជំនាញនៃការចរចាផងដែរ៕
តើលោកអ្នកមានអ្វីចង់ចែករំលែកបន្ថែម? សូមចូលរួម និងទំនាក់ទំនងមកយើងខ្ញុំ
