អ្នកជំនាញសព្វថ្ងៃនេះបានជឿជាក់យ៉ាងច្បាស់ថា ការយំអាចធ្វើឲ្យមនុស្ស មានអារម្មណ៍ប្រសើរឡើងវិញ។ ទឹកភ្នែកអាចជួយឲ្យយើងមានអារម្មណ៍ល្អ បំបាត់ភាពតានតឹង បញ្ចុះសម្ពាធឈាមដែលឡើងខ្ពស់ ហើយវាក៏អាចមានសមត្ថភាពជួយកម្ចាត់ជាតិពុល ចេញពីរាងកាយផងដែរ។
ខាងក្រោមនេះជាអត្ថប្រយោជន៍សុខភាពជាច្រើន ដែលបានមកពីការយំរបស់អ្នក៖
វាជួយលាងសម្អាតភ្នែក
នៅពេលយើងយំ ទឹកភ្នែករបស់យើងនឹងផ្តល់ជាតិរំអិលដល់គ្រាប់ភ្នែក និងត្របកភ្នែកដែលជួយលាងសម្អាតភ្នែក ហើយធ្វើឲ្យយើងអាចមើលឃើញច្បាស់ជាងមុន។ នេះជាមូលហេតុសំខាន់ដែលអ្នកគួរតែយំឲ្យបានញឹកញាប់ ព្រោះវាអាចជួយឲ្យអ្នកមើលឃើញបានប្រសើរឡើង។
វាអាចជួយសម្លាប់បាក់តេរី
តើអ្នកដឹងទេថា ទឹកភ្នែករបស់មនុស្សយើងមានផ្ទុកនូវសារធាតុ លីសូស៊ីម។ សារធាតុរាវមួយនេះមានឥទ្ធិពលខ្លាំងក្លា អាចសម្លាប់បាក់តេរីនៅក្នុងភ្នែករបស់យើងពី ៩០-៩៥%។
ទឹកភ្នែកជួយកម្ចាត់ជាតិពុល
ការយំពិតជាល្អចំពោះសុខភាព ព្រោះវាអាចជួយកម្ចាត់ជាតិពុលចេញពីរាងកាយ។ ដូច្នេះ លើកក្រោយពេលដែលអ្នកយំចេញពីចិត្តរួច, អ្នកនឹងសង្កេតឃើញថា អ្នកនឹងមានអារម្មណ៏ បានធូរស្បើយ និងល្អប្រសើរជាងមុន។
ទឹកភ្នែកអាចជួយឲ្យអារម្មណ៍ប្រសើរឡើង
ការយំអាចជួយដល់សុខភាព ព្រោះវាបានជួយបញ្ចេញអារម្មណ៏មិនល្អ, ភាពតានតឹង, និងភាពមួម៉ៅចេញមកអស់។
ជួយកាត់បន្ថយជាតិម៉ង់កាណែស
ទឹកភ្នែកអាចជួយកាត់បន្ថយជាតិម៉ង់កាណែសចេញពីក្នុងខ្លួន។ វាជាសារធាតុខនិជ ដែលប៉ះពាល់ដល់អារម្មណ៏មនុស្ស។
ជួយកាត់បន្ថយសម្ពាធឈាម
វិធីប្រសើរបំផុតដើម្បីកាត់បន្ថយសម្ពាធឈាមគឺ តាមរយៈការយំ។ ទឹកភ្នែកអាចជួយធ្វើឲ្យសម្ពាធរាងកាយមានសមតុល្យ អាចឲ្យអ្នកបានធូរស្បើយ។
វាអាចជួយកាត់បន្ថយភាពតានតឹង
ពេលក្រោយ នៅពេលអ្នកជួបនឹងភាពតានតឹង និងបញ្ហាផ្លូវចិត្ត, ត្រូវយំចេញពីចិត្តរបស់អ្នក ព្រោះការយំអាចជួយកាត់បន្ថយកម្រិតនៃភាពតានតឹងរបស់អ្នក។
វាជួយបង្កើតភាពស៊ាំ
ចម្លែកដែរ ការយំក៏អាចជួយបង្កើតភាពស៊ាំឲ្យមនុស្សបានដែរ។ ប្រសិនបើការយំអាចជួយកម្ចាត់ជាតិពុលចេញពីក្នុងខ្លួនបាន នោះកម្រិតភាពស៊ាំនឹងមានការកើនឡើង។
ទឹកភ្នែកជួយកម្ចាត់ភាពក្រៀមក្រំក្នុងចិត្ត
នៅពេលអ្នកជួបនឹងភាពក្រៀមក្រំក្នុងចិត្ត, ត្រូវយំ ព្រោះវាអាចជួយកម្ចាត់ភាពក្រៀមក្រំបាន។ នេះជាមូលហេតុដែលធ្វើឲ្យមនុស្សមិនចង់ទប់ទឹកភ្នែក នៅពេលក្រៀមក្រំចិត្ត៕
