ការចំណាយពេលនៅលើអ៊ីនធើណេតសព្វថ្ងៃ គឺដើម្បីទំនាក់ទំនងស្រាវជ្រាវ អានព័ត៌មានឬរកមើលទិញទំនិញ ដែលជាបែបផែនជីវិតសម័យថ្មី។ តែនៅក្នុងនោះការចំណាយពេលលើអនឡាញមួយចំនួនក៏ត្រូវបានគេសង្កេតឃើញថាបានធ្វើឱ្យយើងកើតមានខ្ទង់ចំណាយដោយមិនដឹងខ្លួន ដែលសកម្មភាពទាំងនោះត្រូវបានអ្នកជំនាញលើកឡើងមកបង្ហាញដូចខាងក្រោម៖
១.ចូលមើលទំនិញអនឡាញ
អ្នកជំនាញបានលើកឡើងថានៅពេលយើងគ្រាន់តែចុចចូលមើលលេងៗនូវទំនិញផ្សេងៗ នៅតាមផេកអនឡាញដោយគ្មានបំណងទិញ តែចុងក្រោយត្រូវចិត្តទិញយករបស់ទាំងនោះក៏មាន។ សម្រាប់អ្នកមានចំណូលច្រើនគឺពុំមានបញ្ហាអ្វីឡើយដូចនេះ អ្នកជំនាញបានឡើងផ្តោតទៅលើអ្នកមានខ្ទង់ចំណូលទាប ដែលអាចកើតចេញជាខ្ទង់ចំណាយកើនថែមដោយមិនដឹងខ្លួន។ ដើម្បីទប់នឹបញ្ហានេះគេអាចចូលទៅកាន់ ផេកReview ឬបណ្តាញផេកណាមួយដែលចែករំលែកគំនិតទៅលើទំនិញ ដែលទាក់ទងនឹងក្លាយជាគំនិតខ្លះ ដើម្បីឱ្យអ្នកពិចារណាមិនចំណាយលុយច្រើនទោរទន់លើការទិញរបស់វិញក៏ថាបាន។
២.អានប្រូម៉ូសិនឬការផ្សាយបញ្ចុះតម្លៃផ្សេងៗ
បើថវិកាអ្នកមានកំណត់ការចំណាយពេលមើលការផ្សាយបញ្ចុះតម្លៃឬប្រូម៉ូសិន ក៏នឹងអាចទាក់ទាញចំណាប់អារម្មណ៍ឱ្យទិញផលិតផលនោះ។ ដោយសារតែ ប្រូម៉ូសិនច្រើនបង្ហាញពីចំណុចល្អៗពិសេសសម្រាប់អតិថិជនជាអ្នកទិញដូចនេះ ការចំណាយនឹងកើនឡើងផងដែរ។
៣.ចុចLikeលើផេកមិនចាំបាច់ច្រើន
ផេកFacebook ទំនិញច្រើននឹងទាក់ភ្នែក អ្នកនូវផលិតផលថ្មីៗដែលនេះគឺជាកត្តាមួយគួរស្វែងយល់ផងដែរសម្រាប់អ្នកមានបញ្ហាថវិកា។
៤.ចំណាយច្រើនដោយការ Freeដឹកជញ្ជូន
ដោយសារការដឹកជញ្ជូនឥតគិតថ្លៃដូចនេះការបញ្ជាទិញនិងកើនឡើង។ ក្នុងលក្ខខណ្ឌមួយចំនួនអ្នកទិញគឺតម្រូវឱ្យបញ្ជាទិញទំនិញតាមចំនួនកំណត់ណាមួយដើម្បីទទួលបានសេវាដឹកFree។ហើយនេះ ជារឿងមួយដែលអ្នកជំនាញបានលើកឡើងផងដែរក្នុងការចំណាយពេលច្រើនផ្តោតលើសេវាដឹកឥតគិតថ្លៃទាំងនោះ។
៥.ចែករំលែកមូលនិធិសប្បុរសធម៌
ពិតណាស់ការចែករំលែកជាវប្បធម៌ល្អក្នុងការជួយគ្នាទៅវិញទៅមក។ យ៉ាងណាមិញ នៅក្នុងករណីខ្លះអ្នកជំនាញបានលើកឡើងថាអ្នកអាចចំណាយថវិកាជួយច្រើនជាងលទ្ធភាពដែលអ្នកមានដែលនេះជាបញ្ហា។ ចំណុចនេះ អ្នកជំនាញបានណែនាំជាគន្លឹះថា បើអ្នកចង់ចែករំលែក គួរគប្បីស្វែងរកប្រភពមូលនិធិសប្បុរសធម៌ណាមួយដែលមានប្រភពច្បាស់លាស់អាចទុកចិត្តបាន ព្រមទាំងជួយទៅដល់អ្នកដែលមានតម្រូវការពិតប្រាកដ។ម្យ៉ាងទៀតការរៀនសមាមាត្រចំនួនគម្រោងសប្បុរសធម៌ទៅនឹងទំហំទឹកប្រាក់ឬតាមលទ្ធភាពដែលអ្នកអាចផ្តល់ឱ្យបានជាវិធីសាស្រ្តមួយដែលជួយទ្រទ្រង់ប្រភពថវិកាអ្នកនៅបានយូរនឹងសម្រាប់ទុកការចែករំលែកនៅថ្ងៃមុខជាបន្តបន្ទាប់៕
