បច្ចេកវិទ្យា៖ WhatsApp កំពុងបន្ថែមសមត្ថភាពក្នុងការនាំយកប្រវត្តិនៃសារជជែករបស់អ្នកនៅពេលអ្នកប្តូរពី iOS ទៅ Android រួមទាំងសំលេងរូបថតនិងការសន្ទនាទាំងអស់។

មុខងារថ្មីនេះគឺត្រូវបាន Telegram ដាក់ប្រើប្រាស់ជាយូរមកហើយ។ ហើយមុខងារថ្មីនេះផងដែរ នឹងជួយដោះស្រាយនូវចំណុចមួយដែលគួរឱ្យធុញទ្រាន់បំផុតរបស់ WhatsApp ដែលកន្លងមក វាមិនអាចផ្លាស់ប្តូរប្រវត្តិជជែករបស់អ្នករវាងប្រព័ន្ធប្រតិបត្តិការទូរស័ព្ទបានឡើយ។

ដោយសារក្រុមហ៊ុន WhatsApp បានចាប់ដៃគូជាមួយ Samsung ដើម្បីជម្រុញការប្រើប្រាស់ Galaxy Z Fold3 និង ZFlip3 ដែលនឹងក្លាយជាឧបករណ៍ដំបូងដែលគាំទ្រការផ្ទេរសារនេះ។ សម្រាប់ប្រភេទទូរស័ព្ទ Samsung ដទៃទៀត គឺមិនទាន់អាចផ្ទេរបាននោះទេ លើកលែងតែទូរស័ព្ទប្រភេទ Samsung ដែលបានរៀបរាប់ខាងលើក្នុងដំណាក់កាលនេះ។យើងនឹងរង់ចាំបន្តទៀតពីការបើកឲ្យប្រើជាទូទៅ។

ថ្មីៗនេះអ្នកប្រើប្រាស់ WhatsApp ក៏អាចធ្វើការផ្ទេរការសន្ទនាទៅឧបករណ៍ថ្មី ដោយប្រើGoogle Drive នៅលើប្រព័ន្ធប្រតិបត្តិការ Android និង iCloud Drive នៅលើ iOSផងដែរ៕