សូមចូល Telegram ក្រមាប៉ុស្ដិ៍ ទទួលបានអត្ថបទឆាប់រហ័ស
អារម្មណ៍តានតឹងទៅនឹងស្ថានភាពមិនល្អកើតឡើងតែងកើតមានឡើងលើមនុស្សគ្រប់ៗគ្នាចៀសមិនបាន។ ប៉ុន្តែយើងក៏មានវិធីត្រលប់អារម្មណ៍សៅហ្មងនោះវិលទៅរកភាពស្រស់ថ្លារីករាយវិញបាន។ តាមរយៈបទពិសោធពីអ្នកធ្លាប់មានបទពិសោធ ក៏បានចែករំលែកជាវិធីសាស្រ្តមួយនោះគឺការសួរសំនួរខ្លួនឯងដើម្បីដាស់ស្មារតីយើងឱ្យត្រលប់ទៅវិញស្រស់ថ្លាវិញ ចៀសវាងភាពម៉ួហ្មងដែលកើតមាន៖
១.តើអ្នកជានរណា នៅពេលអារម្មណ៍អ្នកកើតរីករាយគ្មានទុក្ខកង្វល់?
សំនួរនេះនឹងបានរំលឹកអ្នកឡើងវិញអំពីអ្វីទៅដែលអ្នកបានសម្គាល់ថានាំឱ្យអ្នកបានរីករាយជាឧទាហរណ៍ដូចជា ការជូនកាដូដល់អ្នកមានគុណ ការដាំដើមឈើការស្តាប់ចម្រៀងមួយបទដែលអ្នកពេញចិត្តការទៅហាត់ប្រាណ ហែលទឹកឬការសរសេរសៀវភៅជាដើម។ ទាំងនោះ អាចជាអ្វីដែលនាំឱ្យអ្នករីករាយអ្នកជាអ្នកបង្កើតទោះបីពេលខ្លះអ្នកជួបរឿងមិនសមបំណង ប៉ុន្តែអ្វីដែលនាំឱ្យអ្នករីករាយនៃសកម្មភាពល្អៗនឹងនាំឱ្យអ្នកបានប្រសើរឡើងវិញទម្លាក់ចោលក្តីបារម្ភដែលមិននាំឱ្យចម្រើននិងមានទឹកចិត្តបន្តដំណើរទៅវិញ។
២.នៅពេលណាមួយដែលអ្នកបានព្យាយាមជម្នះឧបសគ្គដោយជោគជ័យ?
នៅពេលអ្នកជួបរឿងមិនសមប្រកបមិនស័ក្តិសមទៅនឹងអ្វីដែលអ្នកបានខិតខំប្រឹងប្រែងអ្នកក៏គួរសួរខ្លួនឯងថាប្រាកដជាមានហេតុនិងផលដែលមិនបានដូចប្រាថ្នាដូចនេះ។ ជំនួសវិញឱ្យការពិបាកចិត្តនឹងអ្វីដែលមិនបានដូចបំណងអ្នកគួរទៅសម្គាល់មើលថាប្រាកដជាមានចំណុចខ្វះខាតខ្លះដែលបានកើតឡើង។ ព្យាយាមបំពេញចំណុចខ្វះខាតនោះឡើងវិញហើយសួររំលឹកខ្លួនអ្នកនូវអ្វីជាជោគជ័យដែលអ្នកធ្លាប់បានឆ្លងកាត់ជម្នះ។ រឿងល្អៗទាំងនោះនឹងនាំឱ្យអ្នកទទួលបានទំនុកចិត្តខ្លួនឯងឡើងវិញរួចព្យាយាមឡើងវិញលុបទៅលើភាពព្រួយបារម្ភដែលមិនបានជួយអ្វីដល់អ្នក។
៣.តើអ្នកសម្រេចបន្តក្តីរីករាយរបស់អ្នកជាអាទិភាពបែបណា?
ប្រាកដណាស់អ្នកនៅតែបំពេញសកម្មភាពជាគោលដៅចំបងរបស់អ្នក ប៉ុន្តែអ្នកក៏នឹងអាចរីករាយនឹងភាពរីករាយដែលជាចំណូលចិត្តរបស់អ្នកដែលមនុស្សម្នាក់ៗមានផ្សេងៗគ្នានិងរៀងៗខ្លួន ហើយឆ្លៀតធ្វើវាឡើង។ នៅក្នុងជីវិតនឹងជួបរឿងទុក្ខខ្លះនិងរឿងល្អសមប្រកបខ្លះប៉ុន្តែអ្វីដែលអ្នកអាចបង្កើតបាននោះគឺភាពរីករាយដែលអ្នកអាចធ្វើបាន និងជាកម្លាំងដែលជួយអ្នកឱ្យទៅបន្តកិច្ចការងារជាទិសដៅជីវិតរបស់អ្នក។ ដូចនេះ កុំឱ្យភាពមួម៉ៅឬព្រួយបារម្ភនៅក្នុងជីវិតអ្នកយូរពេកដោយជំនួសវិញនូវភាពរីករាយនិងភាពសកម្មទៅនឹងអ្វីដែលជាចំណូលចិត្តអ្នក៕
