សូមចូល Telegram ក្រមាប៉ុស្ដិ៍ ទទួលបានអត្ថបទឆាប់រហ័ស
អារម្មណ៍អវិជ្ជមានមានដូចជាការស្មុគស្មាញសម្រេចមិនដាច់ស្រេចបន្ទោសខ្លួនឯង វិប្បដិសារី ឬម៉ួហ្មងក្នុងចិត្តជាដើម។ អារម្មណ៍ទាំងនោះតែងកើតមានលើមនុស្សពេញវ័យជាធម្មតា។ ជាបទពិសោធរបស់អ្នកធ្លាប់ជួបបញ្ហានេះក៏បានចែករំលែកជាចំណុចជាការពិចារណាដោះស្រាយវាដូចខាងក្រោមនេះ៖
១.អារម្មណ៍ថាមានកំហុសឆ្គង
អារម្មណ៍កំហុសឆ្គងអាចកើតមានឡើងច្រើនបែបឧទាហរណ៍អ្នកមិនបានធ្វើអ្វីមួយនូវអ្វីដែលអ្នកគួរធ្វើ ឬមួយអ្នកកុហកខ្លួនឯងពន្យារពេលថាចាំពេលនេះពេលនោះជាដើម។ ដោយឡែកអារម្មណ៍នេះដែលអាចកើតមានពេលអ្នកនៅផ្ទះមានដូចជាការងាររៀបចំផ្ទះមិនទាន់ហើយរបស់ដែលបានទិញតែមិនទាន់បានប្រើប្រាស់ជាដើម។ យ៉ាងណាមិញ អារម្មណ៍ទាំងនោះអ្នកអាចដកឃ្លាទៅធ្វើអ្វីមួយផ្សេងដែលអ្នករីករាយរួចត្រឡប់មកធ្វើរឿងទាំងនោះវិញអ្នកនឹងឃើញពីលទ្ធភាព។
២.វិប្បដិសារី
មានដូចជាការចំណាយលុយច្រើនឬទិញចំរបស់ប្រើប្រាស់មិនល្អរបស់ក្លែងក្លាយដោយគេបោកប្រាស់អ្នកជាដើម។ចំណុចទាំងនោះ គឺបង្រៀនឱ្យអ្នកចេះព្រមទទួលការពិត រួចយកចំណុចនោះជាមូលដ្ឋានសម្រាប់បង្ការមិនឱ្យជួបរឿងនោះម្តងទៀត។
៣.ភាពអាម៉ាស់
ភាពអាម៉ាស់អាចកើតចេញពីច្រើនប្រភពដោយសារអ្នកឱ្យតម្លៃខ្លាំងអំពីអ្វីដែលអ្នកដទៃគិតមកលើអ្នក ឬមួយសង្គមឱ្យតម្លៃហើយបន្ទោសមកលើខ្លួនឯងឬស្ទាក់ស្ទើរ។ យ៉ាងណាមិញអ្នកអាចត្រឡប់មកគិតវិញថាបើរឿងនោះជារឿងធ្វើឱ្យអ្នកបានរីករាយជារឿងល្អចម្រើនទៅមុខដោយមិនបានប៉ះពាល់ ឬជាផលអាក្រក់ដល់អ្នកផ្សេងអ្នកក៏អាចរីករាយនូវចំណុចទាំងនោះដោយលះបង់នូវគំនិតដែលអ្នកដទៃគិតមកលើអ្នក។
៤.ភ្ញាក់ផ្អើលហើយពិបាកទទួលយកភ្លាមៗ
ចំនុចទាំងនោះឧទាហរណ៍ជាក់ស្តែងកិច្ចការងារផ្ទះគរដូចភ្នំមានដូចជាកៅអីបាក់ជើងអំពូលភ្លើងខូចដំបូលផ្ទះធ្លុះធ្លាយជាដើម។ យ៉ាងណាមិញ រឿងទាំងនេះអ្នកត្រូវទទួលយកហើយត្រូវមានសកម្មភាពដោះស្រាយវាបន្តិចម្តងៗ។មេរៀនពីបញ្ហាទាំងនោះនាំឱ្យអ្នករៀនចេះភាពអត់ធ្មត់ និងចេះសង្កេតដោះស្រាយបញ្ហាជាបទពិសោធរបស់អ្នកផ្ទាល់បន្តិចម្តងៗ។ រៀនអត់ធ្មត់និងហាត់ដោះស្រាយឧបសគ្គទាំងនោះហើយរីករាយនឹងអ្វីដែលអ្នកបានដោះស្រាយនោះ។
៥.អារម្មណ៍នៅជាប់គាំងមិនដឹងទៅមុខ ឬថយក្រោយ
ជាការពិតអារម្មណ៍ស្ទាក់ស្ទើរធ្វើឱ្យយើងពិបាកក្នុងការដាក់កម្លាំងកាយកម្លាំងចិត្តធ្វើអ្វីមួយ។ មិនអាចសម្រេចការណាមួយបាន។ ឧទាហរណ៍ដូចជាយកទូរសព្ទខូចទៅជួសជុលឬមួយទិញថ្មីដាក់អាហារូបករណ៍ទៅរៀននៅប្រទេសអូស្ត្រាលីឬប្រទេសអង់គ្លេសមិនដឹងទៅខាងណា។ ដូចនេះយើងគប្បីត្រូវហ៊ានសម្រេចចិត្តដែលការសម្រេចចិត្តនោះអ្នកត្រូវពិចារណាល្អិតល្អន់ហើយត្រូវហ៊ានសម្រេចនូវជម្រើសមួយអ្នកដែលត្រូវដើរនិងត្រូវចេះទទួលខុសត្រូវលើអ្វីដែលអ្នកធ្វើបើខុសអ្នកនៅតែកែប្រែឱ្យបានប្រសើរឡើងវិញ៕
