ភ្នំពេញ៖ ក្រសួងសុខាភិបាលត្រៀមប្រកាស បើមានអ្នកស្លាប់ដោយកូវីដ១៩ ត្រូវបូជា ឬកប់ភ្លាមៗ មិនឲ្យធ្វើបុណ្យ ចាក់ភ្លេងនោះទេនេះជាការលើកឡើងរបស់ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រី ក្រសួងសុខាភិបាល ក្នុងសន្និសីទសារព័ត៌មាននៅព្រឹកនេះ។
ឯកឧត្តមរដ្ឋមន្រ្តី៖ “ខ្ញុំមិនចង់និយាយទេ ប៉ុន្តែក្រសួងបានត្រៀមលក្ខណៈហើយ ត្រៀមការណែនាំពីអ្នកដែលស្លាប់ដោយសារ កូវីដ១៩ មិនមែនថា ចូលឆ្នាំនិយាយឲ្យគេភ័យទេ ណែនាំពេលស្លាប់ ត្រូវបូជា ត្រូវកប់ភ្លាម មិនទុកធ្វើបុណ្យ លេងភ្លេង ហែរអីនោះទេ”។
ឯកឧត្តមរដ្ឋមន្ត្រីថា ប្រជាពលរដ្ឋមានការភ័យខ្លាចចំពោះ កូវីដ១៩ ជារឿងល្អ ខ្លាចស្លាប់ខ្លួនឯងចោលគ្រួសារ ឬគ្រួសារទាំងមូលហិនហោច៕
