ប្រិយមិត្តប្រាកដជាធ្លាប់ស្គាល់ ឬ ឮអំពីបុគ្គលឆ្នើមម្នាក់ក្នុងវិស័យកីឡាបាល់ទាត់នោះគឺ លោក CristianoRonaldo។ ទម្រាំឈានដល់ឈ្មោះជាតារាបាល់ទាត់ល្បីពុំមែនកើតឡើងដោយគ្មានការតាំងចិត្តឬគ្មានវិន័យ ការព្យាយាមនោះ។ ៤ រឿងខាងក្រោមនេះត្រូវបានសារព័ត៌មានអន្តរជាតិលើកពីរឿងរ៉ាវជីវិតបន្តប្រកាន់ភ្ជាប់វិន័យ របស់Cristiano Ronaldo មកទល់បច្ចុប្បន្នទោះមានឈ្មោះជាមនុស្សជោគជ័យហើយក៏ដោយ៖
១.មានគំនិតសុទិដ្ឋិនិយម(គិតដោយវិជ្ជមាន)
CristianoRonaldo ត្រូវបានគេលើកឡើងថាជាមនុស្សប្រកបដោយគំនិតសុទិដ្ឋិនិយម។ តារាបាល់ទាត់ជម្រើសជាតិព័រទុយហ្គាល់រូបនេះមិនធ្លាប់ត្អូញត្អែរពីបញ្ហាឬបន្ទោសរឿងអ្វីមួយឡើយប៉ុន្តែគេឃើញលោកច្រើនប្រើពេលផ្តោតលើការងារទាំងនោះដើម្បីរកវិធីទៅដោះស្រាយបញ្ហា ឬចំណុចខ្វះខាតទាំងនោះ។ Ronaldo និយាយថាកិច្ចការក្នុងអាជីពគឺត្រូវប្រើផ្នត់គំនិតល្អព្រោះថា ការគិតវិជ្ជមានគឺនាំឱ្យអារម្មណ៍ស្រឡះល្អផ្តោតតែលើសកម្មភាពសម្រាប់ដោះស្រាយបញ្ហាដោយមិនខាតពេល។
២.កុំឈប់រៀនពីអ្វីថ្មី
ក្នុងសម្ភាសរបស់Ronaldo លោកលើកឡើងថាមនុស្សគ្រប់គ្នាក្រោយពេលមានតម្រូវការមូលដ្ឋាន(ជម្រកអាហារ សុវត្ថិភាព...) គ្រប់គ្រាន់ហើយនោះការរៀនសូត្រអភវិឌ្ឍខ្លួន។ ជីវិតជាលទ្ធផលនៃការប្រឹងប្រែងអភិវឌ្ឍវាដោយខ្លួនអ្នក។ ប្រសិនបើអ្នកមិនរៀនអ្វីថ្មីសម្រាប់ជីវិតនោះទេនោះអ្នកនឹងនៅតែស្ថិតក្នុងបទពិសោធនិងអារម្មណ៍ដដែលៗមួយកន្លែង។
CristianoRonaldo យល់ថា លោកមិនគួរឈប់អភិវឌ្ឍខ្លួនឡើយ ដូចនេះលោកតែងរៀនសូត្រពីមនុស្សគ្រប់គ្នាដែលលោកបានជួបរាប់តាំងពីកីឡាករក្នុងក្រុមគ្រូបង្វឹក និងបុគ្គលិកក្លិបបាល់ទាត់។
៣.មានចំណង់ទៅរកភាពជោគជ័យ
អ្នកកាន់តែចង់ដល់គោលដៅនោះល្បឿននៃការខំប្រឹងប្រែងនឹងកាន់តែលឿនទៅដល់នោះដែរ។ ហើយ Ronaldo បានសម្តៅន័យថា ពេលអ្នកគិតផ្តោតយកចិត្តទុកដាក់លើគោលដៅនោះល្បឿនទៅកាន់គោលដៅនឹងកាន់តែលឿន។ លោក បានបន្ថែមទៀតថាការមានចំណង់ចង់បានភាពជោគជ័យជាវិធីផ្ទាល់ខ្លួនរបស់លោកដែលធ្វើឱ្យគេចពីភាពខ្ជិលស្រណុកសុខស្រួលជាទម្លាប់សកម្មទៅរកភាពជោគជ័យដែលបានកំណត់។ ហើយបរាជ័យខ្លះមិនអាចឱ្យលោកបោះបង់ចោលគោលដៅដែលកំណត់ទុកនោះឡើយផ្ទុយទៅវិញវាជាមេរៀនដែលធ្វើឱ្យលោករកឃើញវិធីប្រសើរជាងមុន។
៤.វិន័យផ្ទាល់ខ្លួននិងជីវិតបែបសុខភាពល្អ
ក្រោយញ៉ាំអាហាររួច Ronaldo តែងមានពេលធ្វើចលនារាងកាយដើម្បីរំលាយអាហារហើយនេះជាទម្លាប់ដែលធ្វើឱ្យរាងកាយលោកនៅតែរហ័សរហួននិងរក្សារាងបានយ៉ាងល្អ។ បន្ថែមពីនោះតារាបាល់ទាត់ជនជាតិព័រទុយហ្គាល់រូបនេះយល់ថា ផ្លូវទៅកាន់ភាពជោគជ័យរបស់លោកក៏ត្រូវការជីវិតមានសុខភាពល្អផងដែរ។ដូចនេះ Ronaldoតែងមានវិន័យប្រចាំខ្លួនគឺគ្មានជាតិស្រវឹង គ្មានការញ៉ាំមិនទៀងទាត់គ្មានការបំពានវិន័យ។ Ronaldoញ៉ាំតែអាហារមានប្រយោជន៍ល្អដល់សុខភាព និងផ្តោតលើវិន័យដើម្បីខ្លួនលោកនិងអាជីពរបស់ខ្លួនហើយលោកនៅតែបន្តធ្វើបែបនេះជាប់រហូត ទោះបីពេលនេះ លោកមានភរិយានិងកូន៤នាក់ហើយក៏ដោយ!
