ប្រឆាំងនឹងទស្សនៈយល់ច្រឡំខាងលើ មនុស្សដែលមានសាក់ គឺជា មនុស្សដែលអង់អាចក្លាហានហ៊ានបង្ហាញនូវភាពដាច់ដោយឡែកពីអ្នកដទៃ បង្ហាញពីភាពស្មោះត្រង់ បង្ហាញពីព្រលឹង និងចិត្តគំនិតរបស់គេអាចនិយាយបានថា មនុស្សដែលមានចាក់សាក់ មានការបើកចំហ ។
សម្រាប់អ្នកដែលមានចាក់សាក់ ស្នាមសាក់នីមួយៗដែលបង្ហាញតាមរយៈរូបភាពនៅលើរាងកាយខ្លះបានបង្កប់ពីអត្ថន័យនៃជីវិត ចំណង់ចំណូលចិត្ត ពិតមែនតែរូបខ្លះ អាចមិនមានភាពវិជ្ជមានឬមិនបានបង្ហាញពីសុចរិតភាព តែពួកគេដឹងថា ពួកគេកំពុងធ្វើអ្វី និងជានរណាពិតប្រាកដ។តើនោះមិនមែនជាការបង្ហាញពីភាពស្មោះត្រង់ ឬភាពក្លាហានទេឬ?
ខាងក្រោមនេះ ជាហេតុផលចំនួន ប្រាំមួយដែលអាចដូរផ្នត់គំនិតអវិជ្ជមាន លើអ្នកដែលមានរូបសាក់៖
១. ទ្រាំនឹងការឈឺចាប់
គេពិតជាមានភាពក្លាហានណាស់ ក្នុងការទ្រាំនឹងការឈឺចាប់ ដែលត្រូវវត្ថុមុតស្រួចចាក់លើស្បែកជាច្រើននាទី។ការសាក់រូប បង្ហាញឱ្យឃើញថា គេមានការឈឺចាប់ ទោះជាការឈឺចាប់នោះតិចតួចក្ដីតែពួកគេចាប់អារម្មណ៍ក្នុងការបង្ហាញពីអត្តសញ្ញាណរបស់ខ្លួនជាង និងចង់បង្ហាញឱ្យពិភពលោកបានដឹងថាពួកគេជាមនុស្សបែបណា។
២. គ្មានអ្វីត្រូវលាក់បាំង
ពួកគេពិតជាគ្មានអ្វីដែលត្រូវលាក់អ្នក ពីរូបដែលមានលើរាងកាយដែលធ្លាប់ជាអាថ៍កំបាំងជាជាងលាក់ព្រោះតែភាពខ្មាស់អៀន ក្នុងរឿងដែលពួកគេបានធ្វើនៅក្នុងអតីតកាលឬអារម្មណ៍ដែលអ្នកផ្សេងទៀតនឹងគិត។ ពួកគេមានឆន្ទៈក្នុងការប្រឈមមុខនឹងកំហុសដែលខ្លួន បានធ្វើ ដោយរូបខ្លះជាលក្ខណៈសំគាល់ ដែលអាចប្រាប់រឿងរ៉ាវពីអតីតកាល ឬបច្ចុប្បន្នឱ្យអ្នកបានដឹងថា ការសាក់នេះ បានធ្វើអោយគេក្លាយជាតួអង្គមួយថ្មី ដែលតំណាងឱ្យភាពស្មោះត្រង់និងភាពក្លាហាន។
៣. ដឹងពីបំណងរបស់ខ្លួនឯង
អ្នកដែលមានរូបសាក់ មិនចាំបាច់លាក់ពុត នៅពីក្រោយវាំងននទៀតឡើយ ។ពួកគេដឹងច្បាស់លាស់ អំពីបំណងប្រាថ្នា និងអ្វីដែលពួកគេចង់បាន បើទោះបីមិនមែនជាការពិតក្ដី។រឿងដែលសំខាន់សម្រាប់ពួកគេ គឺថាពួកគេមានភាពក្លាហានក្នុងការសុបិន្ត និងការប្រមើលមើលអ្វីដែលពួកគេចង់បាន ពីជីវិតនិងអនាគត ហើយធ្វើការឆ្ពោះទៅរកក្តីសុបិន និងសេចក្តីប្រាថ្នារបស់ខ្លួន ដែលមានបង្ហាញខ្លះៗតាមរយៈរូបសាក់។
៤. ទ្រាំនឹងការយល់ខុសលើពួកគេ
អ្នកមានរូបសាក់ បានឆ្លងកាត់ ការមិនពេញចិត្តជាច្រើន ពីមនុស្សនៅជុំវិញតែគេនៅតែអង់អាច ដើម្បីបង្ហាញពីអត្តសញ្ញាណខ្លួន។ ពួកគេគឺមិនមែនជាប្រភេទមនុស្សងាយចុះចេញដោយសារតែការមិនយល់ពីអ្នកដទៃ ហើយត្រូវលាក់ខ្លួន ពីពិភពលោកខាងក្រៅនេះឡើយ។ ពួកគេមានបំណងបញ្ជាក់អោយឃើញ ពីការវិនិច្ឆ័យខុស ការយល់ខុស ដោយមិនមានការព្រួយបារម្ភនឹងអ្វីដែលអ្នកដទៃគិត។ពួកគេអាចថែខ្លួនឯង និងដោះស្រាយជាមួយបញ្ហាគ្រប់យ៉ាង ដែលមានចំពោះមុខ ដល់សព្វថ្ងៃនេះបាននោះមិនមែនជាការទ្រាំដ៏ក្លាហានទេឬ?
៥. បើកចំហ ចំពោះការយល់ឃើញលើអ្នកដទៃ
មនុស្សមានលក្ខណៈសំគាល់ដាច់ដោយឡែកពីគ្នា មិនថាការតុបតែងខ្លួន ការស្លៀកពាក់ឬការសាក់ជាដើម តែអ្នកដែលមានរូបសាក់ គឺងាយស្រួលក្នុងការទំនាក់ទំនង ងាយសម្របខ្លួននិងឆាប់យល់ពីមនុស្សដែលមានការតុបតែងប្លែកៗ ដូចជារូបគេ។ពួកគេមានឆន្ទៈក្នុងការនិយាយ ដោយភាពស្មោះត្រង់ និងចង់អោយពិភពលោកបានលឺសំឡេងព្រមទាំងទទួលស្គាល់ លើភាពរឹងមាំរបស់គេ។ វាជាសមត្ថភាពរបស់ខ្លួន ក្នុងការស្វែងរកអត្ថន័យចម្រុះទៅនឹងពិភពលោកដែលនៅជុំវិញខ្លួនគេ តាមការយល់ឃើញរៀងៗខ្លួន។
៦. ពេញចិត្ត លើខ្លួនឯង
អ្នកអាចដោះស្រាយជាមួយពិភពលោកដោយស្មោះត្រង់ ពេលដែលអ្នកមានភាពស្មោះត្រង់ជាមួយខ្លួនឯងសិន។គេដឹងថា ភាពស្រស់ស្អាតបង្កប់នៅក្នុងភាពខ្មៅងងឹត ដូចជាការឆ្លាក់នៅក្នុងស្បែករបស់ពួកគេផងដែរ។មនុស្សដែលមានការចាក់សាក់ អាចពេញចិត្តជាមួយហេតុផលនៃវត្តមាននិងអ្វីដែលបង្ហាញពីខ្លួនរបស់ពួកគេ។ពួកគេសប្បាយចិត្តលើអ្វីដែលជាខ្លួនឯង ជាជាងធ្វើអ្វីដែលមិនមែនជាខ្លួនឯង៕
