អ្នកត្រូវតែធ្វើការងារជាច្រើនដែលមនុស្សធម្មតាមិនអាចធ្វើបាន។ ខាងក្រោមនេះជាពាក្យមួយចំនួនដែលសេដ្ឋីទាំងនោះបានយល់ច្បាស់ជាងមនុស្សធម្មតា៖
១. ដែនកំណត់
មហាសេដ្ឋីគ្រប់រូប ដែលប្រឹងប្រែងខិតខំធ្វើការងារបង្កើនចំណូលដោយខ្លួនឯងពួកគេដឹងយ៉ាងច្បាស់ ពីពាក្យថាដែនកំណត់ ដោយពួកគេយល់ថា មហិច្ឆតាសក្ដានុពល និង គោលបំណងរបស់មនុស្ស គឺគ្មានដែនកំណត់នោះទេ។
បុគ្គលជាមហាសេដ្ឋីក៏ដឹងដូចគ្នាដែរថា មនុស្សសាមញ្ញមិនធ្វើអ្វីសោះ ព្រោះពួកគេយល់ថាខ្លួនមិនមានលទ្ធភាពដើម្បីជម្នះរាល់ឧបសគ្គទាំងឡាយដែលមាននៅចំពោះមុខ។ រីឯសម្រាប់បុគ្គលដែលជោគជ័យពិតយល់ឃើញថាបើពួកគេខិតខំប្រឹងប្រែងពួកគេនឹងអាចបំបែករាល់អ្វីដែលជាឧបសគ្គនៅចំពោះមុខ។
២. ភាពភ័យខ្លាច
ដើម្បីទទួលបានជោគជ័យ អ្នកត្រូវតែជម្រុះចោលភាពភ័យខ្លាចឲ្យបាន។ភាពភ័យខ្លាច មានច្រើនប្រភេទណាស់ដូចជា ខ្លាចបរាជ័យ ខ្លាចក្ស័យធន ខ្លាចអាម៉ាស់ឬខ្លាចបាត់បង់មិត្តភ័ក្ដិ និង ការគោរពពីអ្នកដទៃជាដើមដែលមករារាំងសកម្មភាពរបស់អ្នក មិនឲ្យដល់គោលដៅ។ ហើយសម្រាប់មហាសេដ្ឋីវិញដឹងថា ភាពភ័យខ្លាចទាំងនេះ គឺជាឧបសគ្គដ៏ធំដែលពួកគេត្រូវការយកឈ្នះ ដើម្បីទទួលបានជោគជ័យ។
ភាពភ័យណាក៏ដោយ ប្រសិនបើអ្នកពិតជារស់នៅជាមួយភាពភ័យខ្លាចនោះអ្នកនឹងមិនអាចដើរដល់គោលដៅដែលខ្លួនបានកំណត់ឡើយ។
៣. ការតស៊ូព្យាយាម
ប្រសិនបើអ្នកមិនមានឆន្ទៈ ពុះពារក្នុងពេលវេលាដែលជួបលំបាកនោះទេអ្នកនឹងមិនអាចក្លាយខ្លួនជាសហគ្រិនល្អ ឬសេដ្ឋីបានឡើយ។ ការគ្រប់គ្រងអាជីកម្មដោយខ្លួនឯងគឺជារឿងមួយដ៏លំបាក ដោយសារ ត្រូវប្រឈមមុខនឹងកំហុសច្រើន ជួបការបរាជ័យ និងមេរៀនដែលអ្នកត្រូវទទួលយកជាប់រហូតដែលជួយធ្វើឲ្យអ្នកក្លាយជាមនុស្សម្នាក់កាន់ល្អប្រសើរ ជាពិសេសនៅពេលដែល អ្នកមានឆន្ទៈក្នុងការតស៊ូ ព្យាយាមធ្វើការឲ្យអស់ពីចិត្ត ដើម្បីដល់គោលដៅដែលអ្នកចង់បាន។
៤. ភាពអត់ធ្មត់
អ្នកត្រូវយល់ឲ្យបានច្បាស់ពីពាក្យ អត់ធ្មត់ បើមិនដូច្នោះទេអ្នកក៏មិនអាចក្លាយខ្លួនជា អ្នកជំនាញ ឬ ឈានដល់គោលដៅហិរញ្ញវត្ថុដូចការគ្រោងទុកដែរ។ប្រសិនបើអ្នកចង់ក្លាយជាអ្នកមាន អ្នកត្រូវតែមានភាពអត់ធ្មត់ ព្រោះរឿងទាំងនោះវាមិនអាចកើតឡើងតែមួយយប់នោះទេ ដែលផែនការខ្លះ អាចចំណាយពេលរាប់សិបឆ្នាំ ដូច្នេះអ្វីដែលអ្នកត្រូវការ គឺភាពអត់ធ្មត់ខ្ពស់។
៥. គោលដៅ
គោលដៅ ជាពាក្យមួយដែលមានសារៈសំខាន់បំផុត សម្រាប់អ្នកជោគជ័យដែលមនុស្សភាគច្រើន មិនបានយល់ច្បាស់ពីវា តែសម្រាប់សហគ្រិន ពួកគេដឹងថា ពួកគេរស់នៅ និងស្លាប់ដោយសារតែគោលដៅនោះ។ ត្រូវមានក្ដីសុបិនឲ្យធំគោលបំណងឲ្យខ្ពស់ នឹងត្រូវធ្វើអ្វីគ្រប់យ៉ាងក្នុងផ្លូវល្អ ដើម្បីសម្រេចគោលបំណងនិង ក្តីសុបិនរបស់ខ្លួន នោះអ្នកនឹងអាចក្លាយ ជាមហាសេដ្ឋី មួយរូបដូចគេផងដែរ៕