បន្ទាយមានជ័យ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងឯកឧត្តម ខេង ស៊ុម ប្រធានក្រុមប្រឹក្សាខេត្ត លោកជំទាវ នួម សោភ័ណ អ្នកតំណាងរាស្ត្រមណ្ឌលបន្ទាយមានជ័យ និង ឯកឧត្តមឧត្តមសេនីយ៍ឯក ង៉ែត ចន្ទ័ធន់ ព្រមទាំងក្រុមការងារ បានប្រគល់ផ្ទះជាអំណោយដ៍ថ្លៃថ្លារបស់ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានសមាគមអតីតយុទ្ធជនកម្ពុជា ជូនដល់គ្រួសារអតីតយុទ្ធជន ចំនួន០៨ ខ្នងក្នុងស្រុកអូរជ្រៅ ខេត្តបន្ទាយមានជ័យ នាថ្ងៃអាទិត្យទី០៧ មិថុនា ឆ្នាំ២០២០ ។
ឯកឧត្តម អ៊ុំ រាត្រី បានលើកឡើថាការប្រគល់ផ្ទះនេះ គឺជាការបង្ហាញពីការខិតខំយកចិត្តទុកដាក់ របស់សម្តេចតេជោ ហ៊ុន សែនចំពោះសុខទុក្ខអតីតយុទ្ធជន និងយោធិនពិការ ដែលសុទ្ធសឹងជាអ្នកមានគុណបំណាច់ចំពោះជាតិមាតុភូមិ។
គ្រួសារអតីតយុទ្ធជន ចំនួន០៨ ខ្នងក្នុងស្រុកអូរជ្រៅ ក្នុងនោះមាន ០៤ឃុំផ្សេងៗពីគ្នា÷ ១-ឃុំគុត្តសត១គ្រួសារ ២-ឃុំកូប ៣គ្រួសារ ៣-ឃុំសូភី ២គ្រួសារ ៤-ឃុំសំរោង ២គ្រួសារហើយគ្រួសារនីមួយៗទទួលបាន: អង្ករ១ការ៉ុង ភួយ១ កន្ទេល១ មុង១ ទឹកស៊ីអ៉ីវ១យួ ទឹកត្រី១យួមីថៃ១កេះ ប៊ីចេង១គីឡូស្ករស ១គីឡូ អំបិល១គីឡូ ខ្លាញ់១ដបទឹកសុទ្ធ២យួ ចាន៨ស្លាបព្រា១ឡូត៍ កំសៀវ ១ ឆ្នាំងបាយ១ ឆ្នាំងសម្លរ១ និងថវិកាចំនួន ១៥០.០០០រៀលគត់៕