ក្រៅពីមកពីកត្តាហ្សែន និងវ័យកាន់តែច្រើន ទម្លាប់នៃការរស់នៅ ការផឹកគ្រឿងស្រវឹង និងភាពតានតឹងរឿងការងារក៏អាចបណ្ដាលឱ្យសក់ប្រែជាស្កូវឆាប់។ ប៉ុន្តែកត្តាទាំងអស់នេះក៏មិនប្រាកដថាអាចកើតឡើងដោយផ្ទាល់ដែរ តែវាអាស្រ័យទៅលើស្ថានភាពនៃផ្នែកណាមួយនៃសរីរាង្គកាយរបស់មនុស្ស ជាពិសេសថ្លើម។ នៅក្នុងរាងកាយមនុស្ស ថ្លើមមានមុខងារច្រើនពាក់ព័ន្ធទៅនឹងការរំលាយអាហារ និងការបញ្ចេញជាតិពុលពីរាងកាយ។
យោងតាមវិទ្យាសាស្ត្របានបង្ហាញថា ៩៥%នៃឈាមត្រូវបានបញ្ជូនទៅហ្វូស៊ីលនៃសក់គឺដោយសារតែថ្លើម។ ដូច្នេះហើយមិនថាសក់ខ្មៅ ឬមានសុខភាពល្អឬអត់ គឺអាស្រ័យទៅលើដំណើរការនៃសរីរាង្គមួយនេះហើយ។
១. សក់ស្កូវនៅជើងសក់ទាំងសងខាង
យើងតែងតែគិតថាពេលអាយុកាន់តែច្រើន ជើងសក់ទាំងសងខាងនឹងឡើងសទៅៗ។ ប៉ុន្តែវាក៏អាចបណ្ដាលមកពីការព្រមានទាក់ទងនឹងរោគសញ្ញាជំងឺថ្លើមផងដែរ។ ប្រភពនៃសារធាតុចិញ្ចឹមនៅជុំវិញត្រចៀកគឺមានទំនាក់ទំនងជិតស្និទ្ធជាមួយថ្លើម។ ដូច្នេះហើយ នៅពេលមុខងារថ្លើមមានបញ្ហា វាក៏បណ្ដាលឱ្យមានអសមតុល្យនៅក្នុងឈាម ហើយឈានទៅដល់ការធ្វើឱ្យសក់ដែលនៅម្ដុំជើងសក់ប្រែជាស្កូវ។
២.ស្កូវនៅគល់សក់
ប្រសិនបើរឹមសក់របស់អ្នកប្រែជាស្កូវ អ្នកក៏គួរតែយកចិត្តទុកដាក់បន្ថែមដែរ។ នេះប្រហែលមកពីមុខងារថ្លើមត្រូវគាំង សារធាតុចិញ្ចឹមដែលត្រូវបានបញ្ជូនមកនៅផ្នែកខាងលើបង្អស់នៃក្បាលក៏មិនមានកម្រិតគ្រប់គ្រាន់ បណ្ដាលឱ្យឫសសក់ប្រែជាពណ៌ស។
វិធីបង្កើនមុខងារថ្លើមឱ្យបានល្អ
ដើម្បីជៀសវាងជំងឺផ្សេងៗពាក់ព័ន្ធនឹងថ្លើម បើនិយាយពីរបបអាហារ សូមបង្កើនការញ៉ាំអាហារដែលជួយបញ្ចុះកម្ដៅ និងផ្ដល់សារធាតុចិញ្ចឹមដល់ថ្លើម ដូចជាបន្លែស្រស់ ត្រី សាច់ជាដើម...។ អាហារទាំងនេះសម្បូរទៅដោយប្រូតេអ៊ីននិងសារធាតុចិញ្ចឹមសំខាន់ៗដទៃទៀតដែលជួយស្តារកោសិកាថ្លើមឡើងវិញបាន។
ចំណែកការញ៉ាំស្រូវសាឡីក៏អាចជួយបង្កើនមុខងារបណ្ដេញជាតិពុលពីក្នុងរាងកាយបានដែរ ជាពិសេសមុខងារថ្លើម។ អាហារប្រភេទនេះក៏ជួយការពារថ្លើមឡើងក្ដៅ និងធ្វើការមិនប្រក្រតី។
ទាក់ទងនឹងរបៀបរស់នៅ វាចាំបាច់ណាស់ដែលអ្នកគ្រប់គ្នាត្រូវកែសម្រួលពេលវេលាសម្រាក និងម៉ោងធ្វើការឱ្យបានត្រឹមត្រូវ ចូលគេងឱ្យបានគ្រប់គ្រាន់ ចៀសវាងការគេងយឺតយប់ជ្រៅ។ លើសពីនេះទៅទៀត អ្នកក៏ត្រូវបង្កើនការធ្វើលំហាត់ប្រាណឱ្យបានទៀងទាត់ ដើម្បីធ្វើឱ្យរាងកាយអាចបត់បែនបាន ជួយជំរុញការរំលាយអាហារ និងបណ្ដេញជាតិពុលពីខាងក្រៅបាន៕