សេដ្ឋកិច្ច វៀតណាម កើនឡើងខ្ពស់បំផុត មិនធ្លាប់មាន ក្នុង១១ឆ្នាំ ចុងក្រោយ

(ប្រទេសវៀតណាម)៖ នាយករដ្ឋមន្ត្រីវៀតណាម លោក NguyenXuan Phuc បានធ្វើជាអធិបតី នៃជំនួបជាផ្លូវការរបស់មន្រ្ដីរដ្ឋាភិបាលវៀតណាម នៅថ្ងៃព្រហស្បតិ៍ ដែលក្នុងនោះលោកបានលើកឡើងថា អត្រាកំណើន GDP របស់វៀតណាមបានកើនឡើង 7,08 ភាគរយ នៅក្នុងឆ្នាំ 2018 ដែលជាអត្រាខ្ពស់បំផុតក្នុងរយៈពេល 11ឆ្នាំកន្លងមក។

លោកបន្តថា ប្រទេសវៀតណាម ទទួលបានអតិរេកពាណិជ្ជកម្មជាង7 ពាន់លានដុល្លារ ហើយនេះជាលើកទី១ ហើយដែលអត្រាកំណើនសេដ្ឋកិច្ច របស់ប្រទេសវៀតណាមបានកើនឡើងទ្វេដងនៃអតិផរណា។

លើសពីនេះទៀតលក្ខណៈវិនិច្ឆ័យ សេដ្ឋកិច្ចសង្គមទាំងអស់សម្រាប់ឆ្នាំ 2018 គឺលើសពីគោលដៅកំណត់ដែលជា"ដំណឹងល្អសម្រាប់ប្រទេសវៀតណាម "៕