សូមចូល Telegram ក្រមាប៉ុស្ដិ៍ ទទួលបានអត្ថបទឆាប់រហ័ស
សំណួរមួយហេតុអ្វីខ្ញុំមិនសូវស្និទ្ធ នឹងឪពុកម្តាយ បងប្អូន មិត្តភក្តិ ឬអ្នករួមការងារ?ធ្លាប់បានសួរឡើង។ ដែលនេះ អ្នកជំនាញមួយចំនួនក៏បានលើកឡើងគឺដោយសារកត្តាមួយចំនួនដូចជាពេលវេលា គំនិតខុសគ្នា បំណងនៃការយោគយល់ ដែលនាំឱ្យឃ្លាតគ្នាឆ្ងាយ។ តែយ៉ាងណា ចំណុចជាដំបូន្មានជាគំនិតខ្លះៗ ត្រូវបានចែករំលែកសម្រាប់សម្រួលដល់បញ្ហាមានដូចខាងក្រោម៖
១.ទទួលយកនូវភាពខ្វះខាត
លោកស្រី Brene Brown សាស្រ្តាចារ្យផ្នែកកិច្ចការសង្គមនៃសាកលវិទ្យាល័យសហរដ្ឋអាមេរិក តាមរយៈការស្រាវជ្រាវបានលើកឡើងថាអ្វីមួយដែលភ្ជាប់ទំនាក់ទំនងមនុស្សផ្សេងគ្នានោះគឺការយល់បាន និងទទួលស្គាល់នូវភាពខុសគ្នា ឬចំណុចខ្វះខាតរបស់មនុស្សម្នាក់ៗនោះ។ នៅពេលអ្នកបានមើលឃើញនូវភាពខ្វះចន្លោះ ឬទទួលយកនូវខុសគ្នានោះទំនាក់ទំនងអ្នកនឹងផ្សារភ្ជាប់ខ្លាំងព្រោះថាអ្នកយល់នូវអ្វីជាលក្ខណៈផ្ទាល់ខ្លួនអ្នក និងអ្វីជាភាពខុសគ្នារបស់អ្នកដទៃ។
២.លះបង់ពេលផ្ទាល់ខ្លួន
មែនហើយយើងគ្រប់គ្នាមានភារកិច្ចការងាររវល់រៀងៗខ្លួនប៉ុន្តែនៅពេលវេលាខ្លះ ក៏គួរមានការចំណាយពេលខ្លះ ឬលះបង់សម្រាប់ទំនាក់ទំនងផងដែរ។ ការលះបង់នេះ មានន័យថាអ្នកផ្ទាល់ឱ្យតម្លៃលើមិត្តភាពទំនាក់ទំនងទៅលើបុគ្គលជុំវិញខ្លួនអ្នកដោយមិនរំពឹងរឿងល្អត្រលប់មកវិញ។ ចំណាយពេល៥នាទីស្តាប់នូវរឿងរ៉ាវដែលគេចង់រៀបរាប់៥នាទីចំណាយពេលជួយពួកគេនូវអ្វីដែលគេត្រូវការជំនួយ ឬ៥នាទី បង្ហាញវត្តមានអ្នកនៅជាមួយពួកគេពេលគេត្រូវការជំនួយពីអ្នក។
៣.មានពេលវេលាផ្ទាល់ខ្លួនអ្នក
មានពេលផ្ទាល់ខ្លួនបង្កើនភាពជិតស្និទ្ធដែរឬ?ពេលវេលាឯកជនធ្វើឱ្យអ្នក នឹកគិតឆ្លុះបញ្ជាំងនិងឃើញពីខ្លួនឯងបានច្រើនថាតើយើងមានបញ្ហា ឬចំណុចខ្វះខាតអ្វីខ្លះ? ហើយទន្ទឹមនឹងនេះយើងក៏បានមានពេលសម្រាកចិត្តកាយ ហើយនឹងអាចត្រលប់ទៅទំនាក់ទំនងការងារមិត្តរួមថ្នាក់ គ្រួសារមិត្តភក្តិ ដោយភាពស្រស់ស្រាយវិញផងដែរ ដែលជាកត្តាជម្រុញមិត្តភាពទំនាក់ទំនងបានល្អប្រសើរ។
៤.សម្គាល់មើលជាអ្នកផ្តល់ឱ្យជាអ្នកត្រូវតែបាន ឬជាអ្នកចេះថ្លឹងថ្លែង
ទំនាក់ទំនងមិនអាចបង្កើតភ្លាមៗទាន់ដូចចិត្តនោះទេផ្ទុយទៅវិញ វាត្រូវការពេលវិវឌ្ឍនិងការចូលពាក់ព័ន្ធពីគ្រប់មនុស្សដែលយើងទាក់ទងជាមួយដែរ។ អ្នកចិត្តសាស្រ្តមួយរូបគឺលោក Adam Grant បានបង្ហាញពីលក្ខណៈបីរបស់មនុស្សដែលអាចសម្គាល់បាន ១គឺអ្នកឱ្យ (អ្នកមានចិត្តចេះជួយមនុស្សគ្រប់គ្នាគ្រប់ពេលមានបញ្ហា) ២ អ្នកចាំតែយក(គឺអ្នកដែលផ្តោតលើអ្វីដែលអាចទទួលបានពីទំនាក់ទំនង)និងអ្នកថ្លឹងថ្លែង(អ្នកដែលចេះគិតនូវអ្វីដែលបានជាផលទាំងសងខាងក្នុងប្រយោជន៍ទំនាក់ទំនង)។ ពេលអ្នកស្វែងយល់ដឹងពីលក្ខណៈរបស់មនុស្សនោះអ្នកនឹងយល់អំពីភាពជិតស្និទ្ធិ ឬគម្លាតនៃភាពជិតស្និទ្ធិទៅតាមនោះដែរ។
៥.ចេះចែករំលែកអ្វីថ្មី
រវាងការរក្សាទំនាក់ទំនងភាពជិតស្និទ្ធិ ទៅនឹងភារកិច្ច ឬទិសដៅដែលត្រូវធ្វើមិនគួរបាត់បង់ណាមួយឡើយ មានន័យថា គួររក្សាតុល្យភាពរបស់វា។ មានន័យថា ទោះបីអ្នករវល់យ៉ាងណាហោចណាស់ក៏ខលនិយាយសួរសុខទុក្ខគ្នា ឬមួយការចែករំលែកអ្វីដែលបានធ្វើឱ្យអ្នកជួបភាពរីករាយទៅដល់មនុស្សជាទីស្រលាញ់អ្នក ឬចំណាយពេលជជែកនូវចំណង់ចំណូលចិត្តជារួមដែលអ្នក និងអ្នកផ្សេងមានជាដើមដែលសុទ្ធសឹងរក្សា និងបង្កើនទំនាក់ទំនងអ្នកនិងអ្នកជុំវិញ មិនថាគ្រួសារសាច់ញាតិ ឬមិត្តឱ្យនៅស្រស់ថ្លាមិនស្រពាប់ស្រពោន៕