សូមចុចទីនេះដើម្បីទាញយកកម្មវិធី ក្រមា ប៉ុស្ដិ៍ ដាក់ក្នុងទូរស័ព្ទដៃ
ធុងបរិស្ថាន ឬ Eco Bin ជាសមិទ្ធផលមួយ នៃសិប្បកម្មធុងបរិស្ថាន របស់លោកស្រី សឿង សុថារី ដែលមានទិសដៅបំផុសគំនិតប្រជាពលរដ្ឋ ឱ្យយល់ដឹង និងចូលរួមស្រលាញ់ការពារបរិស្ថានរស់នៅ គ្រប់ទីកន្លែង។ តាមរយៈធុងបរិស្ថាននេះបានផ្តល់ជាប្រយោជន៍ច្រើនដល់សង្គមកម្ពុជា ដោយសារគុណសម្បតិ្តសំខាន់ៗដូចជា៖
កាត់បន្ថយការប៉ះពាល់ដល់បរិស្ថាន ដោយសារកាកសំណល់សំបកកង់រថយន្ត ចាស់ៗកែច្នៃឱ្យក្លាយទៅជាផលិតផលដែលមានគុណភាពខ្ពស់ ក្នុងការការពារបរិស្ថាន។
បានជួយដល់សហគមន៍ក្រីក្រ កុមារ និងមនុស្សចាស់ជរាតាមរយៈការបរិច្ចាគថវិកាពីសិប្បកម្ម។
ជួយលើកកម្ពស់ផលិតផល ក្នុងស្រុក ឱ្យមានតម្លៃ និងមានទីផ្សារ។
បង្កើតឱកាសការងារ ដល់ប្រជាពលរដ្ឋ ដែលពិបាកក្នុងការស្វែងរកការងារធ្វើ។
សម្រាប់ប្រិយមិត្តដែលមានបំណងចង់ជាវធុងបរិស្ថាន សម្រាប់ដាក់តាមគេហដ្ឋាន ឬស្ថាប័ន ក្រុមហ៊ុនឬចង់ធ្វើគម្រោង CSR(Corporate Social Responsibility) ជាអំណោយសប្បុរសធម៌ដល់ សង្គមក្នុងកិច្ចការអនាម័យបរិស្ថាន តាមរយៈការជ្រើសរើសធុងប្រភេទនេះជាជម្រើសល្អមួយ។ បើតាមការលើកឡើងរបស់លោកស្រីសុថារី ម្ចាស់សិប្បកម្មខាងលើ បានឱ្យដឹងថាសម្រាប់ការចូលរួមទិញធុងបរិស្ថានមួយ គឺបានជួយទៅដល់ការងារផលិតករខ្មែរ និងផលិតផលដោយដៃខ្មែរនេះ ឱ្យមានតម្លៃលើទីផ្សារផងដែរ។
ចំពោះលក្ខណៈពិសេសរបស់ធុងបរិស្ថាននេះគឺវាធន់នឹងកម្តៅថ្ងៃភ្លៀង និងជាប់បានយូរហើយធុងមានជើងទម្រនិងគំរប ការពារក្លិនមិនល្អរក្សាអនាម័យបានយ៉ាងល្អ។ សម្រាប់ធុងបរិស្ថានមានទំហំពីរខ្នាតសម្រាប់យកទៅប្រើប្រាស់គឺ៖
***ទំហំខ្នាតមុខកាត់៤តឹក (ពណ៌ខ្មៅ និងមានពណ៌ផ្សេងៗទៀត)
***ទំហំខ្នាតមុខកាត់៥តឹក (ពណ៌ខ្មៅ និងមានពណ៌ផ្សេងៗទៀត)
សម្រាប់ការបញ្ជាទិញ ធុងបរិស្ថាន ទៅដាក់តាមគេហដ្ឋាន ឬស្ថាប័ន គឺអាចទំនាក់ទំនងតាមរយៈអាសយដ្ឋានផ្ទះលេខ41 ផ្លូវលេខ351 សង្កាត់ព្រែកប្រា ខណ្ឌច្បារអំពៅ ឬ តាមទូរសព្ទលេខ ០៧៧ ២២២៥៥២/ ០៨៧២២២ ៥៥២ និងតាមទំព័រ Facebook (Facebook.com/Eco Bin168 និង Email:sothary.soeurng@gmail.com៕