សូមចុចទីនេះដើម្បីទាញយកកម្មវិធី ក្រមា ប៉ុស្ដិ៍ ដាក់ក្នុងទូរស័ព្ទដៃ
ទម្លាប់ច្រើនតែមានលក្ខណៈផ្សេងៗគ្នា សូម្បីតែយើងក៏មិនបានកត់សំគាល់ថាយើងកំពុងធ្វើវាដែរ មិនថាវាជាទម្លាប់ល្អ ឬអាក្រក់។ ទម្លាប់របស់អ្នក គឺជាការរំខានតិចតួចហើយពេលខ្លះក៏អាចធ្ងន់ធ្ងរផងដែរ។ បើអ្នកដឹងខ្លួនថាអ្នកកំពុងតែមានទម្លាប់អាក្រក់ហើយ សូមកុំស្ទាក់ស្ទើរក្នុងការកែប្រែនិងផ្លាស់ប្ដូរដោយខ្លួនឯងបាន។
១. សរសេរព័ត៌មានលម្អិតជុំវិញទម្លាប់របស់អ្នក
បង្កើតសៀវភៅកត់ត្រាទុក ដើម្បីកត់ត្រាទម្លាប់របស់អ្នក។ យ៉ាងហោចណាស់មួយសប្តាហ៍ម្ដង គ្រប់ពេលដែលអ្នកធ្វើទំលាប់អាក្រក់ ឬមានអារម្មណ៍ចង់ធ្វើវាចូរសរសេរការពិពណ៌នាអំពីអ្វីដែលអ្នកកំពុងធ្វើ និងអារម្មណ៍របស់អ្នកនៅពេលវាកើតឡើង។ នេះជួយអ្នកឱ្យរកឃើញឥរិយាបថរបស់អ្នក ហើយធ្វើឱ្យអ្នកគិតអំពីទម្លាប់ដោយដឹងខ្លួន។
២. កាត់បន្ថយចំណង់
ព្យាយាមជៀសវាងវត្ថុ ទីកន្លែង និងមនុស្សដែលធ្វើឱ្យអ្នកចង់ធ្លាក់ចូលក្នុងទម្លាប់អាក្រក់របស់អ្នក។ សៀវភៅកត់ត្រាទម្លាប់របស់អ្នកគួរតែជួយអ្នកក្នុងការកំណត់អត្តសញ្ញាណទាំងនេះ ដោយសារតែទម្លាប់ត្រូវបានអនុវត្តជាញឹកញាប់។
៣. បន្ថែមភាពអាប់អួរទៅក្នុងទម្លាប់អាក្រក់
នេះផ្តល់ឱ្យអ្នកនូវការលើកទឹកចិត្តដើម្បីបញ្ឈប់ និងរារាំងអ្នកពីការរើសយកទម្លាប់ដោយមិនដឹងខ្លួន។ នៅពេលដែលអាចធ្វើទៅបានវាអាចមានប្រសិទ្ធភាពខ្ពស់។
៤. ជំនួសទម្លាប់អាក្រក់ដោយទម្លាប់ល្អ
ការជ្រើសរើសទម្លាប់ថ្មីដែលមានលក្ខណៈវិជ្ជមានជាងមុននឹងមិនធ្វើឱ្យអ្នកខាតបង់ឡើយ ប៉ុន្តែការធ្វើបែបនេះជាប្រភពនៃការរីករាយអាចធ្វើឱ្យអ្នកងាយនឹងបំភ្លេចទម្លាប់ចាស់។ ទម្លាប់អាក្រក់ខ្លះក៏មានទម្លាប់ល្អក្នុងនោះផងដែរ។
៥. ចំណាយពេលទៅវិស្សមកាលខ្នាតតូច
ការផ្លាស់ប្ដូរទំលាប់អាចមានភាពងាយស្រួលជាងមុន នៅពេលដែលអ្នកត្រូវបានគេដាក់នៅក្នុងបរិស្ថានដែលមិនធ្លាប់ស្គាល់ ព្រោះថាខួរក្បាលរបស់អ្នកលែងគិតបន្តអំពីទម្លាប់ចាស់។
៦. លើកទឹកចិត្តខ្លួនឯងនៅពេលដែលអ្នកបានមិនធ្វើទម្លាប់អាក្រក់
ផ្តល់រង្វាន់ដល់ខ្លួនអ្នកសម្រាប់ការសម្រេចគោលដៅរបស់អ្នក ដោយការធ្វើអ្វីដែលរីករាយភ្ជាប់ជាមួយអារម្មណ៍ និងបទពិសោធន៍វិជ្ជមាន តែមិនមែនជាមួយការខកចិត្តនោះទេ។
៧. ធ្វើសមាធិ
នៅពេលអ្នកដឹងថាខ្លួនអ្នកស្ថិតក្នុងស្ថានភាពមួយដែលអ្នកទំនងជាធ្លាក់ចូលក្នុងទម្លាប់អាក្រក់របស់អ្នក សូមបញ្ឈប់អ្វីដែលអ្នកកំពុងធ្វើហើយធ្វើសមាធិពីរបីនាទី។ នៅពេលអ្នកទើបតែចាប់ផ្តើម វាអាចគ្រាន់តែជាការរំខានតែវាមានប្រយោជន៍សម្រាប់រយៈពេលវែង អ្នកអាចប្រើវាដើម្បីធ្វើឱ្យអារម្មណ៍ស្ងប់ និងពេញចិត្តដោយខ្លួនឯងដោយមិនពឹងផ្អែកលើទម្លាប់។
៨. រកជំនួយពីមិត្តភក្តិ និងក្រុមគ្រួសារ
មនុស្សដែលអ្នកឃើញជាទៀងទាត់ និងមនុស្សដែលស្រឡាញ់អ្នក គឺជាធនធានដ៏អស្ចារ្យសម្រាប់ការផ្លាស់ប្ដូរទំលាប់។សុំឱ្យពួកគេជួយអ្នក អនុវត្តការផ្លាស់ប្តូរដែលអ្នកកំពុងធ្វើចំពោះរបៀបរស់នៅរបស់អ្នក និងដើម្បីដាស់តឿនអ្នក នៅពេលអ្នកខិតចូលទៅក្នុងទម្លាប់អាក្រក់៕