សូមចុចទីនេះដើម្បីទាញយកកម្មវិធី ក្រមា ប៉ុស្ដិ៍ ដាក់ក្នុងទូរស័ព្ទដៃ
នៅក្នុងសង្គមសម័យថ្មីនេះ គឺពិបាកណាស់ក្នុងការស្វែងរកមិត្តដែលចង់ធ្វើជាមិត្តរបស់អ្នក ជាជាងមនុស្សដែលគ្រាន់តែចង់ប្រើប្រាស់អ្នក ពេលខ្លះអ្នកត្រូវការមិត្តភ័ក្តិខ្លះ ដែលនឹងនាំអ្នកដើរលើផ្លូវរបស់អ្នកមិត្តដែលអ្នកត្រូវការពេលខ្លះ អ្នកប្រហែលជាមិនស្គាល់ពួកគេផង។ យើងទាំងអស់គ្នាត្រូវការមិត្តភ័ក្ដិរដែលមានចរិតលក្ខណៈដូចខាងក្រោមនេះ៖
១. អ្នកណែនាំ
ពួកគេមានភាពច្បាស់លាស់អំពីជីវិត និងដឹងច្បាស់ពីគោលដៅរបស់ពួកគេ។ មនុស្សទាំងនេះអាចជះឥទ្ធិពលដល់អ្នកយ៉ាងខ្លាំង ជួយអ្នកឱ្យមានផ្នត់គំនិតជាអ្នកឈ្នះ ធ្វើឱ្យអ្នកជឿជាក់លើខ្លួនឯងជាងដែលអ្នកធ្លាប់ បន្ទាប់មកអ្នកក៏អាចទទួលបានជោគជ័យ និងសម្រេចគោលដៅរបស់អ្នកដែរ។
ពួកគេដើរតួជាអ្នកបោះជំហានទៅមុខសម្រាប់អ្នក ដើម្បីឆ្លងកាត់បញ្ហារបស់អ្នកពួកគេសប្បាយចិត្តចំពោះភាពជោគជ័យរបស់អ្នក ហើយនឹងណែនាំអ្នកអោយឆ្លងកាត់បញ្ហា និងនៅពេលដែលអ្នកកំពុងព្យាយាមទៅដល់ទីនោះ។
២. មនុស្សពិតប្រាកដ (មិនពុតត្បុត)
អ្នកមិនដែលមានអារម្មណ៍ថា អ្នកត្រូវធ្វើពុតជាមួយនឹងមនុស្សប្រភេទនេះទេ។ជីវិតអាចមានការពិបាកគ្រប់គ្រាន់ ដូច្នេះការមានមិត្តភក្តិដែលមិនវិនិច្ឆ័យលើរូបអ្នក គឺសំខាន់ណាស់សម្រាប់មិត្តភាពរបស់អ្នក។ មិត្តប្រភេទនេះអនុញ្ញាតឱ្យអ្នកងាយបង្ហាញអារម្មណ៍របស់អ្នក និងជួយនាំស្នាមញញឹមត្រឡប់មករកអ្នកវិញ នៅពេលអ្នកបាក់ទឹកចិត្តពួកគេជួយអ្នកអោយបង្ហាញខ្លួនអ្នកពិត និងអារម្មណ៍របស់អ្នក។
៣. សុទិដ្ឋិនិយម
មនុស្សបែបនេះគឺជាប្រភេទដែលអ្នកត្រូវការ ជាអ្នកដែលជួយលើកទឹកចិត្តអ្នកឆ្លងកាត់ការលំបាកពួកគេនឹងនៅទីនោះដើម្បីលើកទឹកចិត្តអ្នកជានិច្ច។មនុស្សគ្រប់គ្នាត្រូវការសុទិដ្ឋិនិយមនៅក្នុងជីវិតរបស់ពួកគេហើយមនុស្សទាំងនេះនាំមកនូវរឿងល្អៗសុទិដ្ឋិនិយម គឺចាំបាច់សម្រាប់សមិទ្ធិផលហើយវាក៏ជាមូលដ្ឋាននៃភាពក្លាហាននិងវឌ្ឍនភាពពិតផងដែរ។
៤. ជាមនុស្សស្មោះត្រង់បំផុត
ទស្សនៈប្រកបដោយតុល្យភាពអំពីខ្លួនអ្នក ដឹងពីចំណុចខ្វះខាតរបស់អ្នកគឺសំខាន់ណាស់សម្រាប់អ្នក។ មនុស្សដែលស្មោះត្រង់នឹងផ្តល់នូវមតិពិតប្រាកដ មតិស្មោះត្រង់អំពីអ្នក។ ពួកគេនឹងជួយអ្នកឱ្យក្លាយខ្លួនអ្នក ធ្វើប្រសើរជាងមុន កែកំហុសរបស់អ្នក ធ្វើការលើចំណុចខ្សោយរបស់អ្នកនិងជួយអ្នកឱ្យរីកចម្រើន។ គេនឹងរិះគន់អ្នកតែតាមវិធីល្អ។
៥. អ្នកស្តាប់ដ៏ល្អ
នៅពេលដែលមិត្តរបស់អ្នកស្តាប់អ្នក ហើយព្យាយាមស្វែងយល់ពីគោលដៅរបស់អ្នកអ្នកនឹងមានអារម្មណ៍ថាមានសុវត្ថិភាព ដើម្បីធ្វើការកែលម្អនៅក្នុងជីវិតរបស់អ្នក។ ពេលខ្លះយើងគ្រាន់តែត្រូវការស្មាសម្រាប់ផ្អែកយំ ដើម្បីទទួលបានអារម្មណ៍ធូរស្រាល។
ពួកគេតែងតែនៅទីនោះសម្រាប់អ្នក ហើយពួកគេអាចធ្វើឱ្យអ្នកមានអារម្មណ៍ធូរស្រាល១០ ដង។ ពួកគេព្យាយាមស្វែងយល់ពីស្ថានភាពរបស់អ្នក ហើយពួកគេអាចស្វែងយល់បានតាមរយៈទឹកមុខ។ ពួកគេយល់ចិត្តអ្នក ហើយមនុស្សទាំងនេះអាចជួយអ្នកស្វែងរកទំនាក់ទំនងដែលមានអត្ថន័យ និងកាត់បន្ថយស្ថានភាពតានតឹងបាន។
អ្នកប្រហែលជាម្នាក់ក្នុងចំណោមមិត្តទាំងនេះ ហើយអ្នកប្រហែលជាមិនស្គាល់ពួកគេផង។ គ្រាន់តែធ្វើឱ្យប្រាកដថា អ្នកជ្រើសរើសមនុស្សជុំវិញខ្លួនអ្នក ដែលនឹងជួយអ្នកឱ្យរីកចម្រើន៕