ថ្ងៃនេះ នគរបាលចរាចរណ៍ផាកពិន័យយានយន្តល្មើស ៩៣០គ្រឿង ក្នុងនោះមានម៉ូតូ៥៩៨គ្រឿង និងរថយន្ត៣៣២គ្រឿង

(ភ្នំពេញ)៖ រយៈពេល១ថ្ងៃ នៅថ្ងៃទី០៦ ខែឧសភា ឆ្នាំ២០២០នេះ នគរបាលចរាចរណ៍ទូទាំងប្រទេស បានរកឃើញយានយន្តល្មើស ចំនួន៩៣០គ្រឿង ក្នុងនោះមានម៉ូតូ៥៩៨គ្រឿង និងរថយន្ត៣៣២គ្រឿង។ នេះបើតាមរបាយការណ៍ របស់អគ្គស្នងការដ្ឋាននគរបាលជាតិ។

សម្រាប់បទល្មើសម៉ូតូ គឺភាគច្រើនមិនពាក់មួកសុវត្ថិភាព និងល្មើសផ្សេងៗ។ ដោយឡែកបទល្មើសរថយន្ត ភាគច្រើនអត់ខ្សែក្រវាត់ បើកលើសល្បឿន ផ្ទុកលើសចំណុះ និងអត់ផ្លាកលេខជាដើម។

បើសរុបយានយន្តល្មើសទាំងរយៈពេល៦ថ្ងៃ (ថ្ងៃទី០១-០៦ ខែឧសភា) មានចំនួន១២,៤៤១គ្រឿង ក្នុងនោះម៉ូតូចំនួន៩,៣៥៧គ្រឿង និងរថយន្ត៣,០៨៤គ្រឿង៕