បច្ចេកវិទ្យា៖ Chrome OS ជាប្រព័ន្ធប្រតិបត្តិការថ្មីមួយ ដែលបង្កើតឡើងដោយក្រុមហ៊ុន Google ។ នេះផ្ដល់ជា ជម្រើសមួយផ្សេងទៀតសម្រាប់ លោកអ្នកក្នុងការសម្រេចចិត្ត ក្រៅពីប្រើ ប្រព័ន្ធប្រតិបត្តិការដូចជា Windows (របស់ក្រុមហ៊ុន Microsoft ) និង macOS (របស់ក្រុមហ៊ុន Apple) ។
Chrome OS ត្រូវបានក្រុមហ៊ុន Google ប្រកាសពីការធ្វើគម្រោងនេះនៅឆ្នាំ ២០០៩ និងបានដាក់ឲ្យដំណើរការជាមួយកុំព្យូទ័រយួរដៃ Chrome Book ជាលើកដំបូងក្នុងឆ្នាំ២០១១ ។ ក្នុងខែ មិថុនា ឆ្នាំ២០២២ នេះ Chrome OS បានធ្វើបច្ចុប្បន្នភាពមកជំនាន់103 ( Version 103) ។
តើវាសាកសមសម្រាប់អ្នកដែរឬទេ? តើការបង្កើតឡើងដំបូងនេះ វាសាកសមសម្រាប់អ្នកប្រើប្រាស់ប្រភេទណា? អ្នកនឹងរកឃើញចម្លើយចំពោះសំណួរទាំងអស់នេះ និងច្រើនទៀតនៅក្នុងអត្ថបទនេះ។
Chrome OS គឺជាប្រព័ន្ធប្រតិបត្តិការដែលត្រូវបានបង្កើត និងគ្រប់គ្រងដោយក្រុមហ៊ុន Google ។ វាផ្អែកលើប្រព័ន្ធ Linux និងកូដនៃប្រព័ន្ធនេះ ជាលក្ខណៈបើកចំហ ( Open Source) ដែលមានន័យថា វាអាចឲ្យអ្នកចេះសរសេរកម្មវិធីកូដ កែតម្រូវវាបាន ដោយឥតគិតថ្លៃ។
អត្ថប្រយោជន៍ដ៏ធំនៃ Chrome OS គឺថាវាសាមញ្ញណាស់ក្នុងការប្រើប្រាស់ មិនដូចនៅលើឧបករណ៍ Windows និង macOS ទេ ។ ជាពិសេសតម្រូវការសម្រាប់អ្នកដែលចូលចិត្តធ្វើអ្វីមួយលើអ៊ិនធើណិត មើលវីដេអូ ឬលេងបណ្ដាញសង្គមជាដើម ដែលវាមិនទាន់សាកសម សម្រាប់អ្នកធ្វើការលើវីដេអូ ឬការរចនារូបភាពនោះទេ ឬការដំឡើង កម្មវិធីប្រភេទ ជា Adobe Premier នោះទេ។
ដូចទូរស័ព្ទ អែនដ្រយ (Android) ឧបករណ៍ Chrome OS ភាគច្រើនដែលចេញក្នុងឆ្នាំ 2017 មានសិទ្ធិចូលប្រើ Google Play Store ។ នេះមានន័យថា កម្មវិធីភាគច្រើនដែលអ្នកអាចទាញយក និងដំណើរការនៅលើទូរសព្ទ Android ក៏មាននៅលើ Chrome OS ផងដែរ។ ទោះជាយ៉ាងណាក៏ដោយ សូមចងចាំថា មិនមែនកម្មវិធីទាំងអស់ដំណើរការនិងស៊ីគ្នាលើ Chrome OS នោះទេ។ ដោយកម្មវិធីទាំងនោះ គេរចនាឡើងសម្រាប់តែខ្នាតនៃអេក្រង់ទូរសព្ទ។
នៅក្នុងខែកុម្ភៈ ឆ្នាំ 2022 ក្រុមហ៊ុន Google បានប្រកាសកំណែអភិវឌ្ឍន៍នៃ Chrome OS Flex ដែលជាការចែកចាយ Chrome OS ដែលអាចដំឡើងនៅលើផ្នែករឹងកុំព្យូទ័រធម្មតា ដើម្បីជំនួសប្រព័ន្ធប្រតិបត្តិការផ្សេងទៀតដូចជា Windows និង macOS ៕
តើអ្វីជាភាពខុសគ្នារវាង Chrome OS និង Chrome Browser ?
កម្មវិធីរុករកតាមអ៊ីនធឺណិត (Chrome Browser) ក៏បង្កើតឡើងដោយក្រុមហ៊ុន Google ផងដែរ តែត្រូវបានគេស្គាល់និងប្រើប្រាស់ជាទូទៅ សម្រាប់រុករកឯកសារ ទិន្នន័យនិងព័ត៌មានផ្សេងៗ តាមបណ្ដាញអ៊ីនធឺណិត។ កម្មវិធី Chrome នេះអាចអនុញ្ញាតឱ្យអ្នកចូលប្រើគេហទំព័រ និងដំណើរការដូចគ្នានៅលើគ្រប់ប្រព័ន្ធទាំងអស់ មិនថាតែនៅលើ Windows, macOS និង Android ឬ iOS នោះទេ ។
Chrome គឺប្រដូចទៅនឹងកម្មវិធីរុករកដទៃទៀតដូចជា Safari, Firefox, Opera, Microsoft Edge ដែលជាដៃគួប្រកួតប្រជែង។ តួលេខនៃការប្រើប្រាស់ Chrome Brower គឺមានចំណែកទីផ្សារប្រហែល 65% នៃការប្រើប្រាស់ទូទាំងពិភពលោក ។
Chrome OS ដោយសារតែភាពសាមញ្ញរបស់វា ល្បឿន និងប្រសិទ្ធិភាពថ្ម ហើយដោយការបង្កើតថ្មី ទើបអ្នកខ្លះសំដៅលើ Chrome OS ថាគ្មានអ្វីក្រៅពីកម្មវិធីរុករកតាមអ៊ីនធឺណិតទេ ហើយទិន្នន័យទាំងអស់ត្រូវពឹងលើ Cloud Base មានន័យថា រូបភាព ឯកសារ ដដៃទៀត ត្រូវបានរក្សាទុក និងងាយស្រួលស្វែងរក ឬយកតាមខ្លួនមិនថាអ្នកទៅដល់ទីណានោះទេ។
ក៏ដោយសារតែកម្មវិធីមួយចំនួនធំ មិនទាន់អាចដំឡើងបាននៅលើ Chrome OS ។ តែការអភិវឌ្ឍន៍ទៅមុខ Chrome OS គឺជាដៃគូប្រកួតប្រជែងជាមួយ macOS របស់ Apple ហើយក៏អាចនឹងទទួលបានចំណែកទីផ្សារកាន់តែធំឡើងផងដែរ៕