នាយករដ្ឋមន្រ្ដី សឹង្ហបុរី៖ ប្រទេសសឹង្ហបុរី ត្រូវតែដឹង ពីរបៀបដោះស្រាយ ជាមួយប្រទេសជិតខាង ប៉ុន្តែរក្សាផលប្រយោជន៍ របស់ខ្លួនទន្ទឹមគ្នា

Straitstimes

សឹង្ហបុរី៖ នាយករដ្ឋមន្ត្រីសឹង្ហបុរី លោក លី (LeeHsien Loong) បាននិយាយថា សឹង្ហបុរី ត្រូវតែដឹងពីរបៀបដោះស្រាយបញ្ហា ជាមួយប្រទេសជិតខាងនិងរក្សាទំនាក់ទំនងល្អ ប៉ុន្តែត្រូវយកចិត្តទុកដាក់ លើផលប្រយោជន៍របស់ខ្លួនក្នុងពេលតែមួយ។

លោក លី បានកត់សម្គាល់ នៅក្នុងសុន្ទរកថា នៅឯពិធីប្រគល់ពានរង្វាន់នៅTeck Ghee កាលពីថ្ងៃអាទិត្យនេះ ថាសាធារណរដ្ឋនេះគឺជាមិត្តភក្តិជាមួយប្រទេសជិតខាង ប៉ុន្តែបញ្ហានឹងកើតមានឡើងតជានិច្ច។

"យើងត្រូវដឹង ពីរបៀបដោះស្រាយជាមួយអ្នកជិតខាង ពីប្រទេសមួយទៅប្រទេសមួយ ពីមនុស្សម្នាក់ទៅមនុស្សផ្សេងទៀត ដើម្បីរក្សាទំនាក់ទំនងល្អជាមួយពួកគេដើម្បីសហការជាមួយពួកគេ ប៉ុន្តែក្នុងពេលតែមួយ ត្រូវថែរក្សាផលប្រយោជន៍ និងជាជំហរ សម្រាប់ប្រទេសសិង្ហបុរី"។

គាត់បានសម្តែងក្តីសង្ឃឹមថា សិស្សៗនឹង ឃើញនិងយល់ពីអ្វីដែលកំពុងកើតឡើង នៅជុំវិញប្រទេសសិង្ហបុរីនៅពេលពួកគេធំឡើង៕