រាជធានីភ្នំពេញ៖ នាព្រឹកថ្ងៃទី ២៤ធ្នូនេះ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនរោងចក្រកាត់ដេរសម្លៀកបំពាក់នៅខេត្តតាកែវ ។
រោងចក្រឈ្មោះ LONSO (CAMBODIA) GARMENT CO., LTD” ដែលជាគម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិខ្នាចខាងត្បូង ឃុំបឹងត្រាញ់ខាងជើង ស្រុកសំរោង ខេត្តតាកែវ ត្រូវបានដឹងថា មានទុនវិនិយោគប្រមាណ ៣លានដុល្លារអាមេរិក និងអាចបង្កើតការងារបានចំនួន ២.៤៣៥កន្លែង។
ក្នុងថ្ងៃដដែលនេះផងដែរ CDC ក៏បានឯកភាពលើការបង្កើតរោងចក្រ កេសកាតុង ឈ្មោះ NS INDUSTRIAL CO., LTD” ដែលមានទីតាំងវិនិយោគស្ថិតនៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៣,៤លានដុល្លារអាមេរិក និងអាចបង្កើតការងារបានចំនួន ១៣៦កន្លែង៕