ព្រឹត្តិការណ៍សហគមន៍៖បុគ្គលិកហាង Pedro ម្នាក់ឆ្លងកូវីដ១៩, ចំនួនឆ្លងសរុប២៣នាក់

សូមចុចទីនេះដើម្បីទាញយកកម្មវិធី ក្រមា ប៉ុស្ដិ៍ ដាក់ក្នុងទូរស័ព្ទដៃ

រាជធានីភ្នំពេញ៖ រកឃើញករណីឆ្លងសហគមន៍ចំនួន ៤នាក់ទៀត ដែលធ្វើឲ្យចំនួនអ្នកឆ្លងសហគមន៍សរុបឡើងដល់ ២៣ នាក់។ គិតត្រឹមព្រឹកថ្ងៃទី០៤ ខែធ្នូ ឆ្នាំ២០២០ ចំនួនអ្នកឆ្លងកូវីដសរុប ៣៣៥ នាក់ អ្នកជាសះស្បើយមានចំនួន ៣០៤ នាក់។

វិជ្ជមានកូវី១៩ថ្មីចំនួន៣នាក់នេះ ដែលរកឃើញថ្មី ជាគ្រួសាររបស់បុរសដែលបានឆ្លងកាលពីថ្ងៃទី ០២ធ្នូ ដែលបានប៉ះពាល់ដោយផ្ទាល់ និងម្នាក់ទៀតជាបុគ្គលិកក្រុមហ៊ុន​Pedro សាខាព្រះសីហនុ ដែលបានប៉ះពាល់ផ្ទាល់ជាមួយ ស្ដ្រីវិជ្ជមានកូវីដអាយុ២១ឆ្នាំ (បុគ្គលិកធនាគារ) ។

ហាង Pedro សាខាព្រះសីហនុនេះជាទីតាំងដែល ស្រ្ដីមានផ្ទុកកូវីដ១៩ (ជាបុគ្គលិកក្រុមហ៊ុនធនាគារ) ដែលបានប្រកាសកាលពីថ្ងៃទី៣ ធ្នូ បានមកទិញទំនិញ។

សូមជម្រាបដែរថា កាលពីថ្ងៃ៣ធ្នូ  ក្រសួងបានសម្រេចផ្អាកដំណើរ អគារកាណាឌីយ៉ា ផ្លូវព្រះមុនីវង្ស និងធនាគារ កាថេយូណៃធីត សាខាសម្ដេចប៉ានផងដែរ ដោយមានបុគ្គលិកបានឆ្លងជម្ងឺកូវីដ១៩៕